Rossiyada prezident Vladimir Putinning topshirig‘iga binoan 7 yoshdan katta bolalar uchun dronlarni boshqarish bo‘yicha musobaqalar o‘tkaziladi.
-xfOGUzb9.avif)
2026-yildan boshlab o‘tkaziladigan bolalar uchun Butunrossiya musobaqalari “Kelajak uchuvchilari” deb nomlanadi. Putin topshirig‘iga ko‘ra, bunday musobaqalarda ishtirok etish uchun minimal yosh 10 yoshdan 7 yoshgacha pasaytiriladi. Ishtirokchilarga “dronlar (uchuvchisiz uchish apparatlari) poygasi” sport turi bo‘yicha unvon va razryadlar berish yo‘lga qo‘yiladi.
Rossiyada 2023-yilda yuqori sinflarda o‘tkaziladigan boshlang‘ich harbiy tayyorgarlik darslariga dronlardan jangovar maqsadlarda foydalanish asoslari ham kiritilgan. Dastur doirasida o‘quvchilar dron turlari, vazifalari, taktik-texnik xususiyatlari va umumiy tuzilishini o‘rganadi. Shuningdek, ular razvedka olib borish va dushman dronlariga qarshi kurash usullarini ham o‘zlashtiradi.
Ukrainada urush boshlanganidan so‘ng Rossiya maktablarida tiklangan harbiy tayyorgarlik bo‘yicha majburiy o‘quv darslarini 5-sinfdan o‘tish taklif etilgan. Deputat Viktor Vodolatskiy shunday taklifni ilgari surgan. U rossiyaliklar birinchi tibbiy yordamni qanday ko‘rsatishni bilmasligini aytgan.
2022-yil urush boshlangach, Rossiyada boshlang‘ich harbiy tayyorgarlik darslari qayta joriy etildi. O‘quvchilarga jang paytida birinchi yordam ko‘rsatish, havo hujumida yashirinish va boshqa himoya usullari o‘rgatiladi. Shuningdek, ular qo‘l granatalari bilan ishlashni ham o‘rganmoqda.
Izoh (0)