Ijtimoiy tarmoqlarda Andijon shahrida fura yonib ketgani aytilgan videolar tarqaldi. Holat yuzasidan viloyat FVB matbuot xizmati izoh berdi.
Maʼlum qilinishicha, 30-iyun kuni soat 16:00 larda “Pistamozor” MFY, Bobur shohko‘chasida MAN rusumli yuk avtomobilida yong‘in sodir bo‘lgan.
Voqea joyiga 3 ta yong‘in-qutqaruv ekipaji soat 16:07 da yetib borib, yong‘in soat 16:09 da o‘rab olingan va soat 16:22 da o‘chirilgan.
Hodisa oqibatida tan jarohati olganlar yo‘q. Hozirda yong‘in sababi va zarari aniqlanmoqda.
Bundan avval Toshkent shahar Yunusobod tumanida beton to‘siqqa urilgan elektromobil yonib ketgan edi. BYD haydovchisi rul boshqaruvini yo‘qotib, yo‘lni ajratib turuvchi beton to‘siqqa urilishi natijasida yong‘in kelib chiqqan.
To‘qnashuv natijasida haydovchiga shifokorlar tomonidan tibbiy yordam ko‘rsatilgan.
2024-yil 3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi. Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi. Fevral oyining 2-sanasida Toshkentning Yangihayot tumanida mashina yonib ketgan.
Bundan tashqari, Jizzax viloyati Zomin tumanida yuk mashinasi yonib ketgandi.
Izoh (0)