Farg‘ona viloyatida yonayotgan “dom”dan 7 kishi qutqarildi. Bu haqda FVV xabar berdi.
Maʼlum qilinishicha, 20-iyun kuni soat 11:42 da Farg‘ona shahar “Nurafshon” MFYdagi ko‘p qavatli uylardan birining 6-qavatida joylashgan xonadonlarning birida yong‘in sodir bo‘layotgani to‘g‘risida 112 tizimi orqali FVBga xabar kelib tushgan.
Xabarga asosan voqea joyiga qutqaruvchilar jalb etilgan. Qutqaruvchilarning tezkor harakatlari natijasida yong‘inning keng maydonga tarqalishi oldi olinib, u yerda bo‘lgan 1 nafar fuqaro hamda qo‘shni xonadonda bo‘lgan 6 nafar fuqarolar sog‘-salomat evakuatsiya qilingan va ularning hayoti saqlab qolingan.
14-may kuni Sergeli tumani Nilufar ko‘chasida joylashgan omborda yirik yong‘in sodir bo‘ldi. Yong‘inni bartaraf etish ishlariga 12 ta asosiy, 6 ta maxsus va 6 ta suv tashuvchi yong‘in o‘chirish texnikasi jalb qilingan. Omborda spirtli mahsulotlar, turli xil materiallar, chetdan olib kelingan tovarlar hamda tibbiyotga oid vositalar saqlangan.
Toshkent shahrining Yunusobod tumani, Otchopar ko‘chasida joylashgan oshxonada 24-may kuni soat 18:40 da yong‘in sodir bo‘ldi. Shuningdek, Andijon shahar, “Iqbol” MFY (3-kichik daha) hududida joylashgan 9-uyda 24-may kuni soat 19:36 da yong‘in sodir bo‘lgan.
Izoh (0)