Andijon viloyati Shahrixon tumanida harakatlanib ketayotgan “ZIL” butunlay yonib ketdi. Viloyat FVB holatga izoh berdi.
Unda aytilishicha, holat 19-mart kuni soat 21:30 da Shahrixon tumani “Dastirxonchi” MFY hududida sodir bo‘lgan. Harakatlanib ketayotgan yuk mashinasida yong‘in sodir bo‘layotgani haqida Andijon viloyati FVBga xabar kelib tushgan.
Hozirda ko‘rilgan tezkor choralar natijasida sodir bo‘lgan yong‘in batamom o‘chirilgan. Hodisa natijasida tan jarohati holatlari qayd etilmadi.
Yong‘in sodir bo‘lish omillari va moddiy zarar miqdori aniqlanmoqda.
- 11-mart kuni Toshkent viloyati Angren shahrida yuk tashuvchi mashina yonib ketgandi.
- 10-mart kuni Qashqadaryo viloyati Kasbi tumanidagi yonilg‘i quyish shoxobchasida ikkita sisterna yonib ketdi.
- 14-mart kuni Nukusda propan olib ketayotgan yuk mashinasi ag‘darilib ketgandi.
Izoh (0)