Turkiyada yo‘l-transport hodisasidan jabr ko‘rgan fuqaro O‘zbekistonga qaytarildi, deb xabar bermoqda Bosh konsulxona axborot xizmati.
Qayd etilishicha, Turkiyada ro‘y bergan yo‘l-transport hodisasi oqibatida oyog‘i singan va og‘ir ahvolga tushib qolgan O‘zbekiston fuqarosiga Bosh konsulxona tomonidan vatanga qaytarilishida amaliy yordam ko‘rsatildi.
Turkiyaga ishlash maqsadida kelgan M.A. ismli fuqaro yo‘lni kesib o‘tayotgan vaqtda motosikl haydovchisi tomonidan urib yuborilishi natijasida og‘ir tan jarohati oldi. Jabrlangan ayol moddiy imkoniyatlarining yo‘qligi va yashash joyisiz qolgani sababli qiyin ahvolga tushib qolgan edi.
Bosh konsulxona, Migratsiya agentligi hamda Uzbekistan Airways AJ bilan hamkorlikda bemorning shifoxona xarajatlarini qoplash va uni vatanga qaytarish tashkillashtirildi.
O‘zbekistonga qaytarilgan ayollar
- Rossiyada oilaviy zo‘ravonlik qurboni bo‘lgan ayol va uning uch nafar farzandi O‘zbekistonga qaytarildi.
- Rossiyada mushkul ahvolda qolgan oila O‘zbekistonga qaytarildi.
- Rossiyada oilaviy zo‘ravonlik qurboni bo‘lgan o‘zbekistonlik ayolga yordam berildi.
- Rossiyada og‘ir vaziyatga tushib qolgan o‘zbekistonliklarga yordam berildi
- Turkiyada turmush o‘rtog‘i tashlab ketgan o‘zbekistonlik ayolga yordam berildi
O‘zbekistonga qaytarilayotgan fuqarolar
2025-yilning boshlarida Rossiyaning Tiva Respublikasi Oq Dovurak shahrida vaqtincha ishlayotgan to‘rt nafar O‘zbekiston fuqarosi vatanga qaytarildi. Fuqarolarning yashash joyida sodir bo‘lgan kuchli yong‘in natijasida ularning hujjatlari, shu jumladan, pasportlari yo‘qolgan.
27-fevral kuni Makkada og‘ir kasallikka chalingan o‘zbekistonlik vatanga qaytarildi. Fevral oyi oxirida Rossiyada ikki bolasi bilan qiyin vaziyatda qolgan ayol O‘zbekistonga qaytarildi.
2025-yil 5-mart kuni Rossiyaning Vladivostok shahrida og‘ir tan jarohati olgan O‘zbekiston fuqarosi vatanga qaytarildi. Mart oyining o‘rtalarida Novosibirskdagi Bosh konsulxonasi ko‘magida Rossiyaning Saxa respublikasi Neryungri shahrida qiyin hayotiy vaziyatga tushib qolgan ona va uning to‘rt nafar farzandi O‘zbekistonga qaytarildi. 17-mart kuni ota-ona qaramog‘isiz qolgan 10 nafar voyaga yetmagan bola Qozog‘istondan O‘zbekistonga qaytarildi. Shuningdek, Rossiyada ota-ona qaramog‘isiz qolgan 30 nafar bola O‘zbekistonga qaytarildi.
Izoh (0)