Shahrisabz shahar FVBga 28-dekabr kuni soat taxminan 08:45 larda avtomobil yonayotgani bo‘yicha xabar kelib tushgan.
Voqea joyiga 5 ta yong‘in-qutqaruv bo‘linmasi soat 08:48 da yetib borib, yong‘in 09:51 da to‘liq o‘chirilgan.
Aniqlanishicha, Shahrisabz shahar Ipak yo‘li ko‘chasida joylashgan avtomobillarga yonilg‘i quyish shoxobchasi hovlisida, “Zil 130” yonilg‘i tashuvchi avtomobil yongan.
Hodisa oqibatida hech kim tan jarohati olmagan. Hozirda yong‘in sababi va zarari aniqlanmoqda.
Shuningdek, 28-dekabr kuni soat 13:40 larda Shayxontohur tumani, Furqat ko‘chasida Cobalt avtomashinasida yong‘in kelib chiqqan.
Yong‘in tuman FVB xodimlari tomonidan bartaraf etilgan. Hodisa oqibatida tan jarohati olganlar yo‘q.
Holat yuzasidan surishtiruv olib borilib, yong‘in yuzaga kelishining sabablariga aniqlik kiritilmoqda.
3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi.
Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Izoh (0)