Fransiyaning Shampan viloyati poytaxti Reyms shahrida elektroskuter 10 qavatli turar joy blokini buzib kirishi oqibatida o‘ta shiddatli yong‘in sodir bo‘ldi. Bu haqda CNN xabar berdi.
Hodisa oqibatida 4 kishi halok bo‘lgan deb Fransiya rasmiylari 7-iyun kuni ma’lum qilgan.
“13 yoshli bola 6-iyun kuni erta tongda yong‘in boshlangan 4-qavatdagi xonadondan o‘zini tashlab, halok bo‘lgan. Ushbu xonadondan topilgan kuygan jasad uning 15 yoshli akasi bo‘lgani taxmin qilinmoqda. 8-qavatda yashagan 87 yoshli ayol va uning 59 yoshli o‘g‘li tutunda bo‘g‘ilib o‘lgan”, dedi Reyms prokurori Fransua Shnayder.
2 kishi og‘ir jarohat olgan, jumladan, halok bo‘lgan bolalarning o‘gay otasi qattiq kuygan, yana 26 nafari yengil jarohatlar bilan kasalxonada davolangan, deya qo‘shimcha qilingan.
Shnayderning aytishicha, yong‘in tasodifan sodir bo‘lganiga shubha yo‘q, u noma’lum sabablarga ko‘ra yonib ketgan skuterdan tez tarqalgan. Akkumulyatorlar yong‘inlarini o‘chirish juda qiyin va o‘t o‘chiruvchilar 3 soatdan ko‘proq vaqt davomida yong‘in bilan kurashdi, deya ta’kidlangan.
Izoh (0)