Surxondaryo viloyatining Boysun tumani, “Inkobod” MFY hududida joylashgan avtomobillarga siqilgan gaz quyish shoxobchasida 28-iyun kuni soat 07:15 larda Nexia-2 portlab ketdi. Bu haqda viloyat FVB xabar berdi.
Maʼlum qilinishicha, avtomashinaga gaz to‘ldirish vaqtida 100 litr sig‘imdagi metan ballonida yorilish sodir bo‘lgan.
Hodisa oqibatida avtomobil yaqinida bo‘lgan haydovchi olgan tan jarohatlari bilan voqea joyida vafot etgan.
Hodisa joyida yong‘in sodir bo‘lmagan. Voqea joyiga tuman FVB, IIB, prokuratura rahbar xodimlari chiqqan.
2024-yilning yanvar oyi o‘rtalarida Toshkent viloyatining O‘rta Chirchiq tumanidagi metan zapravkada ham “Jiguli”da yong‘in chiqqandi. Oktyabr oyida Qarshi tumanidagi avtomobillarga suyultirilgan gaz quyish shoxobchasida yong‘in sodir bo‘lgandi.
2025-yilning fevralida esa Andijondagi zapravkada havo-gaz aralashmasining chaqnashi sodir bo‘lgan edi. May oyida Buxorodagi propan zapravkada yong‘in sodir bo‘lgandi.
Izoh (0)