Qamchiq dovonida 5-noyabr kuni soat 13:30 larda yuk mashinasi yonib ketdi.
YHXB matbuot xizmatining xabar qilishicha, yong‘in dovon hududidan o‘tuvchi A-373 avtomobil yo‘lining 258-kilometrida Toshkent—Vodiy yo‘nalishida harakatlanib kelayotgan yuk avtomobilining nosoz old g‘ildiragi chiqib ketishi natijasida kelib chiqqan.
Hodisa natijasida tan jarohati olganlar yo‘q. Qamchiq dovoni bo‘yicha YPX otryadi va FVV xodimlari holatni to‘liq nazoratga olgan. Ushbu yo‘nalishda harakat yong‘in o‘chirilguncha vaqtincha to‘xtatilgan.
3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi.
Izoh (0)