Shimoliy Irlandiyada uch kecha ketma-ket ommaviy tartibsizliklar bo‘lib o‘tdi. Bu haqda CNN xabar berdi.
Ijtimoiy tarmoqlarda Larne shahridagi dam olish markazida yuzlariga niqob taqqan yoshlar bino oynalarini sindirganidan keyin yong‘in chiqqani tasvirlangan video va suratlar paydo bo‘lgan.
Yuzlab niqobli isyonchilar politsiyaga hujum qilib, ikki kecha davomida Ballymena shahrida politsiya “irqchilik bezoriligi” deb qoralagan uylar va mashinalarni yoqib yuborgan. 32 nafar ofitser yaralangan.
Politsiya va zirhli furgonlar 11-iyun kuni kechqurun Ballymena yo‘llarini to‘sib qo‘yganda ularni 200 ga yaqin odam kuzatib turgani aytilgan. Politsiya furgoniga 2 ta tosh otilgan va bir kishi furgonni tepgan.
Politsiya furgonlari baland ovozda olomonni zo‘ravonlarga chora ko‘rilishi haqida ogohlantirgan. Zo‘ravonlik dastlab Belfastdan 45 kilometr uzoqlikda joylashgan Ballimena shahrida o‘smir qizga nisbatan jiddiy jinsiy zo‘ravonlikda ayblangan 14 yoshli 2 bola hibsga olinib, sudga keltirilganidan keyin boshlanib ketgandi.
Izoh (0)