Toshkent viloyatining O‘rta Chirchiq tumani hududidan o‘tgan yo‘lda 24-mart kuni soat taxminan 17:30 larda YTH sodir bo‘ldi. Bu haqda viloyat IIBB YHXB xabar berdi.
Maʼlum qilinishicha, qayrilib olish mumkin bo‘lgan joydan Nexia-2 qayrilib olayotgan vaqtida Cobalt avtomashinasi bilan to‘qnashgan.
Avtohalokat oqibatida Nexia-2 avtomashinasida yong‘in kelib chiqqan.
Hodisa oqibatida harakat ishtirokchilarini sog‘lig‘iga ziyon yetmagan.
Hozirda yong‘in to‘liq o‘chirilib, holat yuzasidan tuman IIB YHXB tomonidan surishtiruv ishlari amalga oshirilmoqda.
10-mart kuni Qashqadaryo viloyati Kasbi tumanidagi yonilg‘i quyish shoxobchasida ikkita sisterna yonib ketdi. 11-mart kuni Toshkent viloyati Angren shahrida yuk tashuvchi mashina yonib ketgandi.
14-mart kuni Nukusda propan olib ketayotgan yuk mashinasi ag‘darilib ketgandi. Andijonda harakatlanib ketayotgan “ZIL” butunlay yonib ketdi (video).
Izoh (0)