Prezident raisligida Qashqadaryoda o‘tkazilgan yig‘ilish, Qo‘shrabot tumanidagi o‘quvchilar uchun 17 ta maktab avtobusi taqdim etilishi, Farg‘onada MIB mansabdori pora bilan qo‘lga tushishi — “Daryo” nashri 20-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonliklarning ko‘pchiligi diplomi bo‘yicha ishlamaydi — tadqiqot
Aksariyat kishilar sohasini butunlay o‘zgartirgan yoki diplomdagi bilimlarini faqat qisman qo‘llamoqda.
O‘zbekistonda 1-iyulgacha “Oila hamkori” platformasi ishga tushiriladi
“Faol hayotga qadam” dasturi doirasida ijtimoiy xizmatlarni ko‘rsatish tartibi belgilandi.
MIBdan salkam 19 mlrd so‘m qarzdorligi bor Xorazm viloyati hokimligi 1,7 mlrd so‘mga qimmatbaho avtomobillar xarid qilmoqda
“Daryo” jurnalisti bilan suhbatda bo‘lgan hokimlik axborot xizmati rahbari mazkur avtomobillar aynan kimlar uchun xarid qilinayotganidan bexabarligini aytdi.
Qo‘shrabot tumanidagi o‘quvchilar uchun 17 ta maktab avtobusi taqdim etildi
Saida Mirziyoyevaning bildirishicha, avtobuslar prezident topshirig‘iga binoan sovg‘a sifatida berildi.
Qashqadaryoda viloyat “Islohotlar shtabi” tuziladi
Prezident viloyatning yalpi hududiy mahsulotini kelgusi besh yilda 10 mlrd dollardan oshirish mumkinligini aytdi.
“Respublikadagi barcha tuman hokimlari Shahrisabz, Yakkabog‘ va Ko‘kdalani kelib ko‘rsin, o‘rgansin” — prezident
Shavkat Mirziyoyev ular ham ushbu tumanlarda ishga tushirilgan yangi loyihalarni qilishi kerakligini aytdi.
Qashqadaryoda chorvadorga mol sonini ko‘paytirish uchun arzon resurslar ajratiladi
Viloyatda chorvachilikni kompleks rivojlantirish dasturi boshlanadi.
O‘zbekistonda davlat xizmatchilari maoshi ularning ish tajribasi, natijadorligidan kelib chiqib shakllantiriladi
Davlat xizmatiga birinchi marta qabul qilinganlar bilan mehnat shartnomasi dastlab bir yilga tuziladi va keyinchalik faoliyatining ijobiy natijalariga ko‘ra uzaytiriladi.
O‘zbekistonda davlat xizmatchilari xizmat safari natijalari, xarajatlar onlayn kuzatib boriladi
Davlat xizmatchilari har bir xorijiy xizmat safarlari yakunlari bo‘yicha hisobot topshiradi.
Hisorak suv omboridan Qarshigacha ichimlik suvi tarmog‘i tortiladi
Prezident ushbu loyihani amalga oshirish bo‘yicha taklif kiritishni topshirdi.
Qashqadaryoda tuproq qoplamali yo‘llarni to‘liq shag‘al qoplamaga o‘tkazish boshlanadi
Prezident viloyatda yo‘l va infratuzilma masalalari bo‘yicha qator topshiriqlar berdi.
Kitob tumani hokimining mahalladagi yordamchisi o‘ldirildi
Marhum qo‘shnisi tomonidan pichoqlangan.
O‘zbekistonda 500 ming gektardan ziyod hududga chigirtka tarqalgani aniqlandi
Qashqadaryo, Surxondaryo, Samarqand, Jizzax, Andijon, Namangan va Farg‘ona viloyatlarida asosiy o‘choqlar bartaraf etildi.
Farg‘onada xonadonlardan biri yonayotgan “dom”dan 7 kishi qutqarildi
Ko‘p qavatli uylardan birining 6-qavatida yong‘in chiqqan.
Buxoroda echkiemarga nos chektirgan fuqaroga jazo tayinlandi
U aybiga iqrorligini, qilmishidan pushaymonligini inobatga olib qonuniy yengillik berilishini so‘radi.
Farg‘onada MIB mansabdori pora bilan qo‘lga tushdi
Unga nisbatan jinoyat ishi qo‘zg‘atilib, qamoq ehtiyot chorasi qo‘llanildi.
Endi davlat tashkilotlari xodimlarining tana vazni indeksi o‘lchab boriladi
Shuningdek, davlat organlari oshxonalarida shirinliklar, yog‘li, xamir solingan oziq-ovqat mahsulotlarining savdosi cheklanadi.
Endilikda davlat xizmatchilariga oylik maoshining 30 foizgacha intizomiy jazo qo‘llaniladi
20-iyundan boshlab davlat fuqarolik xizmatchisiga o‘rtacha oylik ish haqining 30 foizidan ko‘p bo‘lmagan miqdorda jarima qo‘llaniladi.
Izoh (0)