“Amirsoy” kurort majmuasida restoran yonib ketdi. Holat aks etgan video ijtimoiy tarmoqlarda tarqaldi.
FVV matbuot xizmatining ma’lum qilishicha, 10-iyun kuni soat 01:32 da Toshkent viloyati, Bo‘stonliq tumani, “Chimyon” MFY hududida joylashgan yog‘ochli konstruksiya materialidan qurilgan restoranda yong‘in yuz bergani to‘g‘risida FVBga xabar tushgan.
Shunga ko‘ra, 5 ta yong‘in-qutqaruv ekipaji soat 02:01 da voqea joyiga yetib borib, yong‘in soat 02:13 da o‘rab olingan va soat 04:20 da o‘chirilgan.
Yong‘in natijasida restoranning taxminan 300 kvadrat metr maydonda tomi, shifti, ichki qismi va jihozlari yongan.
Xabarda qayd etilishicha, yong‘in natijasida tan jarohati olganlar to‘g‘risida xabar kelib tushmagan. Ayni paytda yong‘in sababi va zarar miqdori aniqlanmoqda.
Izoh (0)