Toshkent shahar Yunusobod tumanida beton to‘siqqa urilgan elektromobil yonib ketdi. Bu haqda YHXB xabar berdi.
Keltirilishicha, 3-aprel kuni soat 23:45 larda Yunusobod tumani THAY ko‘chasida BYD rusumli transport vositasini boshqarib kelayotgan haydovchi rul boshqaruvini yo‘qotib, yo‘lni ajratib turuvchi beton to‘siqqa urilishi natijasida yong‘in kelib chiqqan.
Yong‘in tuman FVB xodimlari tomonidan bartaraf etilgan. To‘qnashuv natijasida haydovchiga shifokorlar tomonidan tibbiy yordam ko‘rsatilgan.
Mazkur hodisa yuzasidan Yo‘l harakati xavfsizligi boshqarmasi hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.
2024-yil 3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi. Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi. Fevral oyining 2-sanasida Toshkentning Yangihayot tumanida mashina yonib ketgan.
Bundan tashqari, Jizzax viloyati Zomin tumanida yuk mashinasi yonib ketgandi.
Izoh (0)