AQShning apellyatsiya sudi AQSH prezidentiga Los-Anjelesdagi norozilik namoyishlariga qarshi kurashish uchun Milliy gvardiyadan foydalanishga qo‘yilgan avvalgi taqiqni bekor qildi. Bu haqda rasmiy hujjatga asoslanib, TASS xabar bermoqda.
Ta’kidlanishicha, sud qarorining amal qilishini to‘xtatib turish to‘g‘risidagi iltimosnoma qanoatlantirilgan.
Ilgari Kaliforniya shimoliy okrugi sudi prezident Donald Trampga shaharda tartib o‘rnatish uchun milliy gvardiyachilardan foydalanishni vaqtincha taqiqlagan edi. Shuningdek, sud Kaliforniya Milliy gvardiyasini shtat gubernatori Gevin Nyusom nazoratiga qaytarishni buyurgan. Biroq, Tramp ma’muriyati bu qaror ustidan shikoyat qildi va apellyatsiya sudi qarorni to‘xtatib turish to‘g‘risidagi iltimosnomani qanoatlantirdi.
Avvalroq Kaliforniya Tramp ma’muriyatini tartibsizliklarni bostirish uchun Los-Anjelesda Milliy gvardiyani joylashtirish qarori tufayli sudga bergani ma’lum qilingan edi. Shuningdek, hujjatda sudyadan Trampning Kaliforniya shtati gubernatori Gevin Nyusomning ruxsatisiz Milliy gvardiyani joylashtirish to‘g‘risidagi buyrug‘ini bekor qilish so‘ralgan.
Bundan oldin Tramp Los-Anjelesdagi norozilik namoyishlarini tarqatish uchun AQSH Milliy gvardiyasining ikki ming nafar harbiy xizmatchisini kiritish to‘g‘risidagi memorandumni imzolagan edi. Kaliforniya gubernatori Gevin Nyusom Amerika rahbarining qarorini "maqsadli ravishda provokatsion" deb atadi va sudga murojaat qilish bilan tahdid soldi.
6-iyun kuni Los Anjelesda noqonuniy muhojirlarni ommaviy hibsga olish boshlandi, 7-iyun kuni kechqurunga kelib migratsiya qonunchiligini buzganlikda ayblanib, kamida 44 kishi qamoqqa olindi.
Izoh (0)