Janubiy Koreya harbiy-dengiz kuchlariga tegishli patrul samolyoti halokatga uchrashi natijasida to‘rt kishi vafot etdi. Bu haqda Yonhap axborot agentligi xabar bermoqda.
“Poxan shahrida patrul samolyoti halokatga uchragandan so‘ng, to‘rt kishining jasadi topildi”, deyiladi xabarda.
Jasadlar aniqlash uchun Poxandagi harbiy-dengiz gospitaliga olib boriladi. Voqea sabablari o‘rganilmoqda. Halokat joyiga o‘t o‘chirish xizmatlari jo‘natilgan.
Ma’lum bo‘lishicha, samolyot aviabazadan mahalliy vaqt bilan soat 13:43 da havoga ko‘tarilgan, guvohlar baza atrofidagi tepaliklardan birida taxminan soat 13:50 da tutun ko‘tarilayotganini payqashgan. Soat 13:52 atrofida samolyot Poxan shahrining Namgu tumanidagi tog‘larda halokatga uchragan.
Janubiy Koreya harbiy-dengiz kuchlari patrul samolyotining halokati bo‘yicha tergov olib bormoqda va Lockheed P-3 Orion rusumidagi barcha sakkizta shunday patrul samolyotlarining parvozini vaqtincha to‘xtatdi.
Kaliforniya shtatining San-Diego shahrida Cessna samolyotining turar joy mavzesiga qulashi oqibatida bir necha kishi vafot etgandi.
5-yanvar Alyaska yarimorolida AQSHning F-35A qiruvchi samolyoti qulab tushdi. Uchuvchi katapulta qilishga ulgurdi va tirik qoldi.
12-fevralda AQSH harbiy-dengiz kuchlarining samolyoti San Diego ko‘rfaziga qulab tushdi. Aviahalokat Nort Aylend harbiy aviabazasi yaqinida yuz bergan. Samolyot bortida ikki kishi bo‘lgan. Ularni baliq ovlash kemasi qutqarib qolgan.
19-fevral AQSHning Arizona shtati osmonida 19-fevral kuni kichik samolyotlar to‘qnashdi, oqibatda ikki kishi halok bo‘ldi. Har bir samolyot bortida ikkitadan odam bo‘lgan. To‘qnashuv Tuson shahri yaqinida sodir bo‘lgan. To‘qnashuvdan so‘ng Cessna 172 samolyoti xavfsiz qo‘nishga muvaffaq bo‘lgan. Biroq Lancair 360 MK II uchish-qo‘nish yo‘lagi yaqinida yerga qulab, yonib ketgan.
Izoh (0)