Los Anjelesdagi norozilik namoyishlariga javoban Kaliforniyadagi dengiz piyodalari korpusining havo-quruqlikdagi jangovar markazidan 700 dan ortiq dengiz piyodalari safarbar qilindi. Bu haqda CNN xabar berdi.
Qo‘shinlar AQSH prezidenti Donald Tramp tomonidan Kaliforniya gubernatori yoki Los Anjeles merining roziligisiz faollashtirilgan minglab Milliy gvardiya a’zolariga qo‘shilishi kutilmoqda. Dengiz piyodalarining Los Anjelesdagi vazifasi qanday bo‘lishi hali aniq emas. “Qo‘zg‘olon to‘g‘risida”gi qonunga murojaat qilinmasa, Milliy gvardiya qo‘shinlari kabi, piyodalar ham hibsga olish faoliyatini amalga oshirishga ruxsat etilmaydi.
“Faollashtirilayotgan dengiz piyodalari 2-batalyon, 7-dengiz piyodalari, 1-dengiz piyodalari diviziyasida”, deb xabar berdi AQSH Shimoliy qo‘mondonligi. Kaliforniya shtati vakili Gevin Nyusom dengiz piyodalarining safarbarligini “mutlaqo asossiz” deb atadi.
AQSH Milliy gvardiyasining taxminan 1700 nafar a’zosi hozirda Los Anjelesning katta hududida namoyishlarni bostirishga harakat qilmoqda. 7-iyun kuni Tramp 2000 nafar harbiy xizmatchini safarbar qilish to‘g‘risida memorandum imzolagandi.
Izoh (0)