АҚШнинг апелляция суди АҚШ президентига Лос-Анжелесдаги норозилик намойишларига қарши курашиш учун Миллий гвардиядан фойдаланишга қўйилган аввалги тақиқни бекор қилди. Бу ҳақда расмий ҳужжатга асосланиб, ТАСС хабар бермоқда.
Таъкидланишича, суд қарорининг амал қилишини тўхтатиб туриш тўғрисидаги илтимоснома қаноатлантирилган.
Илгари Калифорния шимолий округи суди президент Дональд Трампга шаҳарда тартиб ўрнатиш учун миллий гвардиячилардан фойдаланишни вақтинча тақиқлаган эди. Шунингдек, суд Калифорния Миллий гвардиясини штат губернатори Гевин Ньюсом назоратига қайтаришни буюрган. Бироқ, Трамп маъмурияти бу қарор устидан шикоят қилди ва апелляция суди қарорни тўхтатиб туриш тўғрисидаги илтимосномани қаноатлантирди.
Аввалроқ Калифорния Трамп маъмуриятини тартибсизликларни бостириш учун Лос-Анжелесда Миллий гвардияни жойлаштириш қарори туфайли судга бергани маълум қилинган эди. Шунингдек, ҳужжатда судьядан Трампнинг Калифорния штати губернатори Гевин Ньюсомнинг рухсатисиз Миллий гвардияни жойлаштириш тўғрисидаги буйруғини бекор қилиш сўралган.
Бундан олдин Трамп Лос-Анжелесдаги норозилик намойишларини тарқатиш учун АҚШ Миллий гвардиясининг икки минг нафар ҳарбий хизматчисини киритиш тўғрисидаги меморандумни имзолаган эди. Калифорния губернатори Гевин Ньюсом Америка раҳбарининг қарорини “мақсадли равишда провокацион” деб атади ва судга мурожаат қилиш билан таҳдид солди.
6 июнь куни Лос Анжелесда ноқонуний муҳожирларни оммавий ҳибсга олиш бошланди, 7 июнь куни кечқурунга келиб миграция қонунчилигини бузганликда айбланиб, камида 44 киши қамоққа олинди.
Изоҳ (0)