Isroil bir kechada Eronga yadroviy obyektlar, harbiy qo‘mondonlar va olimlarni nishonga olib, hujum uyushtirganidan so‘ng fond bozorlarida siljish kuzatilgan va neft narxi keskin oshib ketgan. Bu haqda The Guardian xabar berdi.
“Agar bu urush oqibatida neft narxining sezilarli darajada oshishi kuzatilsa, iqtisodiyotga katta ta’sir ko‘rsatadi”, dedi Berlin iqtisodiyot instituti bosh iqtisodchisi Geraldine Deni-Knedlik.
Deni-Knedlik iste’molchilar kayfiyatiga yoqilg‘i narxining oshishi ta’sir qilishini ta’kidlab, shunday dedi:
“Xususiy uy xo‘jaliklariga Yevropa Markaziy bankining e’lonlari kamroq ta’sir qilsa, benzin va dizel narxlari ko‘proq ta’sir qiladi”.
AQSH fond bozorida savdolar pasayishi kutilmoqda
Fyuchers bozoriga ko‘ra, Dow Jones sanoat o‘rtacha ko‘rsatkichi va S&P 500 aksiya indeksi 1,2 foizga pasayishi mumkin.
Interaktiv investor bozorlari bo‘limi boshlig‘i Richard Xanter shunday deydi:
“Isroil bir kechada Eron yadroviy dasturiga hujum qilgani sababli Yaqin Sharqdagi keskinlikning kuchayishi global bozorlarni larzaga solmoqda.
Hozirda Dow Futures hujum oqibatida pasayib ketmoqda. Hujumdan so‘ng oltin kabi aktivlarni saqlashga intilish muqarrar edi. Neft narxi esa bir kechada 7 foizdan ko‘proqqa oshib ketdi. Bu esa yil davomidagi yo‘qotishlarning eng kuchlisi bo‘ldi.
Ayniqsa, hujumga javob global oqimlarning taxminan 20 foizi boshqariladigan Hurmuz bo‘g‘oziga qaratilsa, ta’minot yanada qisqarishi mumkin”.
Yevropa bozorlarida pasayish qayd etildi
Yevropa fond bozorlari global ravishda narx tushib ketgan. Sababi, Yaqin Sharqdagi keskinlashuv xavfsizlik kayfiyati to‘lqinini keltirib chiqargan. Quyida pasayib ketgan asosiy indekslar keltirilgan:
- Germaniya - DAX: -1,35 foiz
- Fransiya - CAC: -1,2 foiz
- Italiya - FTSE MIB: -1,45 foiz
- Ispaniya - IBEX: -1,55 foiz
BP (+2 foiz) va Shell (+2,1 foiz) neft kompaniyalari aksiyalari bir kechada neft narxining keskin ko‘tarilishi ortidan qimmatlashgan.
Oltinning spot narxi 1 foizga oshib, bir unsiya uchun 3418 dollarni tashkil etgan va aprel oyida o‘rnatilgan 3500 dollar miqdoridagi eng yuqori ko‘rsatkichga yetgan
Isroil Eron yadroviy obyektlarida harbiy operatsiya boshlaganidan keyin Osiyo-Tinch okeani fond bozorlaridagi aksiyalar ham keskin arzonlashgan. Xususan, Yaponiyaning Nikkei kompaniyasi 1 foizga, Janubiy Koreyaning KOSPI kompaniyasi 0,85 foizga va Xitoyning CSI300 kompaniyasi 0,66 foizga pasaygan.
Izoh (0)