Andijon viloyatida fuqaro zapravkada 2 ta bo‘rini boqib kelayotgani aniqlandi. Bu haqda viloyat Ekologiya boshqarmasi xabar berdi.
Unga ko‘ra, Andijon shahar “Forobiy” MFYda yashovchi fuqaro A.A. shahar hududidagi avtomobillarga yoqilg‘i quyish shoxobchasida 2 ta O‘rta Osiyo bo‘risini boqib kelgan.
23-may kuni fuqaro o‘z ixtiyori bilan ushbu bo‘rilarni “Usmonobod Fayzi” MCHJga qarashli hayvonot bog‘iga topshirgani maʼlum bo‘ldi.
Bo‘rilar veterinariya ko‘rigidan o‘tkazilganida sog‘lom ekani aniqlandi. Jonivorlarning kelgusida hayvonot bog‘ida qolishi va parvarishi yuzasidan tadbirlar amalga oshirilmoqda.
Shu kabi holatlar
Toshkent shahri va Farg‘ona viloyatida ham qushlarning noqonuniy savdosiga chek qo‘yilgandi.
Bundan avval Xorazm viloyatining Urganch shahrida noqonuniy saqlanayotgan sher hayvonot bog‘iga topshirilgan edi. Shuningdek, Toshkent shahar Olmazor tumanida fuqaro o‘z uyida Qizil kitobga kiritilgan qushlarni saqlab kelayotgani aniqlangandi.
Toshkent viloyatida fuqaro uyida yo‘lbars va piton ilonlarini saqlab kelayotgani aniqlangan.
Izoh (0)