Yangi oilaviy hordiq maskani — Magic Safari
2025-yil 15-may Toshkent shahrida yangi maskan - Markaziy Osiyoda ilk bor tashkil etilgan tematik safari-park — Magic Safari o‘z eshiklarini ochiq deb e’lon qiladi. Ushbu maskanda yoshu-qari o‘zi uchun haqiqiy orom, unutilmas his-tuyg‘ularga to‘la yangi manzil kashf eta oladi.
Yovvoyi tabiat bilan yonma-yon
Magic Safari’da siz bir fursat hayvonot dunyosining ajralmas bir qismiga aylanasiz. Siz uchun xozirlab qo‘yilgan maxsus safari-avtobuslarida yovvoyi tabiatning hayvonot olamiga sho‘ng‘ib ketasiz.
Sarguzashtlar maydoni
Tashrif buyuruvchilarni 20 gektar maydonda joylashgan 10 dan ortiq tematik zonalar kutmoqda. Har bir hudud o‘ziga xos hikoyani so‘zlaydi.
Bu yerda dunyoning turli burchaklaridan keltirilgan hayvonlar jamlangan: afrikadan keltirilgan sherlar, avstraliyadan keltirilgan kengurular, orikslar, alpaka, lama, kiyiklar, tuyalar, ekzotik to‘tiqushlar, hind tovuslari, afrikadan keltirilgan surikatlar va boshqalar. Ularning ba’zilarini siz qo‘lda ovqatlantirishingiz ham mumkin bo‘ladi.
Yoz mavsumi davomida parkga yangi hayvonlar keladi: jirafalar, zebralar, ibislar va boshqa turli xil tropik qushlar.
Zoo-Zoo — mehrli uchrashuvlar olami
Kichik tadqiqotchilar uchun yaratilgan bu hududda surikatlar, maralar, Kamerun echkilari, quyonlar, poni otlari, o‘rdaklar, g‘ozlar, tovuslar, olmaxon, tustovuq va boshqa hayvonlar yashaydi. Ularni silash, ovqatlantirish va suratga olish mumkin.
Lemurlar oroli — Toshkentdagi Madagaskar bo‘lagi
Lemurlar — Magic Safari’ning yulduzlari. Ular o‘z hududlarida erkin harakatlanadi va mehmonlar ularni yaqin masofada kuzatish imkoniga ega bo‘ladi. Ushbu orol — parkning eng hayajonli va unutilmas joylaridan biri.
Bird Aviary — qushlar saltanati
Bird Aviary — qushlarni sevuvchilar uchun haqiqiy jannat. Keng va yorug‘ volyerda dunyoning turli burchaklaridan olib kelingan tropik va ekzotik qushlar yashaydi. Bu joy ovozlar, ranglar va harakatlarga boy.
LoonaLand — ertaklar dunyosi
Kech tushishi bilan park jonlanadi: LoonaLand nozik chiroqlar, san’at installyatsiyalari va dekorativ yoritgichlar bilan yoritiladi. Bu maskan — romantik kechalar, sayrlar va ertaknamo suratlar uchun ajoyib joy.
Magic Safari — yana va yana qaytib kelgingiz keladigan maskan
Bu yerda tabiat jonlanadi, va har bir mehmon — bolalardan tortib kattalargacha — qalbida iliqlik, ilhom va hayajon bilan qaytadi.
Manzil: Toshkent, Yangihayot tumani, Sputnik-6 massivi, Kanora ko‘chasi
Ish vaqti: soat 10:00 dan 22:00 gacha
Ochilish sanasi: 2025-yil 15-may
Hayvonlarga hurmat bilan munosabatda bo‘lish — bizning asosiy maqsadimiz!
Iltimos, har bir mehmon quyidagi qoidalarga amal qilsin:
- Hayvonlarga begona narsalar otmang
- Suratga olayotganda chaqnash (vspishka) ishlatmang
- Ularni qo‘rqitmang
- Xodimlar ruxsatisiz ovqatlantirmang
Hayvonlar — tirik va sezgir mavjudotlardir. Ba’zilari dastlab odamlar bilan masofa saqlashi mumkin, lekin vaqt o‘tishi bilan ular odamlarga o‘rganadi va o‘zlari ovqatlanish zonalariga yaqinlasha boshlaydi. Iltimos, bunga sabr, mehr va hurmat bilan yondashing.
Instagram
Telegram
Facebook
Youtube
Reklama huquqi asosida.
Izoh (0)