Tailanddagi sayyohlik maskanlarida maxsus qo‘riqxonalar mavjud bo‘lib, tashrif buyuruvchilar fillarni yuvishi mumkin bo‘ladi. Ulardan birida 22 yoshli ispaniyalik sayyoh fil hujumi tufayli halok bo‘ldi. Bu haqda Sky News xabar berdi.
Ma‘lum qilinishicha, qiz Blanka Oxanguren Garsiya o‘z hamrohi bilan Tailandning janubi-g‘arbidagi Yao Yay orolida bo‘lgan. Juftlik fillardan birini cho‘miltirayotganda, hayvon qizga hujum qilgan. Sayyoh olgan jarohatlaridan halok bo‘lgan.
Mutaxassislar fil yashash va sayyohlar bilan muloqot qilish bosimi tufayli stressga uchraganini aytmoqda.
Tailandda fillarni cho‘miltirish sayyohlar orasida mashhur mashg‘ulotga aylangan. Ko-Yao nomli fillarni parvarish qilish markazi bu vaziyatga o‘z fikrini bildirdi. Ular “fillar bilan xavfsiz muloqotni ta’minlashga” intilib, hayvonlarga nisbatan hech qanday zo‘ravonlik ishlatmasliklarini ta’kidladi.
Izoh (0)