Samarqand shahrida oltin ma’danlari joylashgan maxfiy xaritalarni “pullamoqchi” bo‘lgan xususiy korxona direktori ushlandi. Bu haqda Davlat xavfsizlik xizmati axborot xizmati xabar berdi.
Ma’lum bo‘lishicha, Samarqand shahrida geologik xizmatlar ko‘rsatish faoliyati bilan shug‘ullanuvchi xususiy korxona direktori kelgusida noqonuniy boylik orttirish maqsadida mahalliy fuqaroning ishonchiga kirib, muqaddam o‘zining Tog‘-kon sanoati va geologiya vazirligida masʼul lavozimlarda ishlagani hamda o‘zida Samarqand va Jizzax viloyatlari hududlarida amalga oshirilgan geologik-qidiruv ishlari natijasida yaratilgan oltin maʼdanlari joylashgan maxfiy geologik xarita va fotosuratlar borligini aytib, ularni 25 ming AQSH dollariga sotmoqchi ekanini aytadi.
DXXning Samarqand viloyati bo‘yicha boshqarmasi xodimlari tomonidan o‘tkazilgan tezkor tadbirda mazkur shaxs kelishilgan pullardan 10 000 AQSH dollarini olgan vaqtida ashyoviy dalillar bilan ushlandi.
Tegishli tashkilotlar bergan xulosaga ko‘ra, ushbu shaxs iddao qilayotgan hech bir maʼlumot maxfiy hisoblanmaydi.
Hozirda ushbu shaxsga nisbatan jinoyat ishlari qo‘zg‘atilib, tergov harakatlari olib borilmoqda.
Izoh (0)