Farg‘ona viloyatining Farg‘ona tumanida noqonuniy qush savdosiga chek qo‘yildi. Bu haqda Ekologiya vazirligi xabar berdi.
Maʼlum qilinishicha, “Avval” MFY hududida o‘tkazilgan tadbir davomida fuqaro I.N. tomonidan 1 dona “yilqichi” qushi Telegram orqali sotilayotganligi aniqlandi.
Holat yuzasidan tezkor tadbir uyushtirilib, noqonuniy savdoga chek qo‘yildi.
“Yilqichi” qushi daliliy ashyo sifatida olib qo‘yildi hamda vaqtincha saqlash uchun Farg‘ona viloyat hayvonot bog‘iga joylashtirildi.
Bundan tashqari, fuqaroga nisbatan ma’muriy bayonnoma rasmiylashtirildi va 1 mln 875 ming so‘m miqdorida jarima belgilandi.
Ma’lumot uchun, avvalroq Toshkent shahrida ham qushlarning noqonuniy savdosi to‘xtatilgandi.
Izoh (0)