Tailand politsiyasi xizmat vaqtida xodimga hujum qilgan mushukni “qo‘lga oldi”. Hayvonning panja izlari olingan. Bu haqda Mothership nashri xabar bermoqda.
Qoidabuzar mushuk haqidagi xabar ijtimoiy tarmoqlarda e’lon qilindi va tez orada virusli bo‘lib tarqaldi. Ma’lum bo‘lishicha, politsiya yo‘qolgan uy hayvonining egalarini topishga uringan, ammo mushuk ularning ba’zilarini tishlab olgan.
Tezkor shtab xabariga ko‘ra, hayvonga politsiya xodimiga hujum qilishga urinish bo‘yicha rasman ayb qo‘yilgan. Uni suratga olishgan va barmoq izlari singari panja izlarini olishgan.
Keyinroq politsiya xodimi mushuk garov evaziga ozod qilinganini, biroq boshqa mushuklar undan o‘rnak olmasligi uchun “huquqiy choralar ko‘rish” kerakligini aytdi. Ta’kidlanishicha, politsiya bo‘limiga hayvonning egasi kelib, uni uyiga olib ketgan.
Bundan oldin Istanbuldan kelgan mushuk Rossiyaning Fesco kemasida yashirinib, Novorossiyskka yetib kelgandi. Kemani tekshirish paytida dengizchilar mushuk miyovlashini eshitishdi, ammo ovoz qayerdan kelayotganini aniqlay olishmadi. Mushuk belgilangan manzilga yetib borgunga qadar ochilishi taqiqlangan muhrlangan konteynerda qamab qolingan edi. Keyinchalik Fesco vakillari ko‘pchilik mushukning boshpanasini ta’minlashga tayyor ekanligini, biroq u vakolatli organlarning ruxsatisiz bojxona hududini tark eta olmasligini ma’lum qilishdi.
Izoh (0)