Sportchilarning gonorarlari juda katta ekanligidan xabarimiz bor. Tabiiyki, ularning ko‘pchiligi hashamatli hayot tarzini tanlaydi. Ularning hashamatli xaridlar ham ajablanarli emas. Lekin shunday ajabtovur xaridlar borki, ular hammani hayratda qoldira oladi.
Gilbert Arenas va akvariumdagi akulalar
Gilbert Arenas 2000-yillarda NBA’dagi eng ko‘zga ko‘ringan va iste’dodli basketbolchilardan biri edi. Uch mavsum davomida o‘z salohiyatini namoyish etishga to‘g‘ri kelgan bo‘lsa-da, 2008-yilda “Vashington Uizards” jamoasi bilan 111 million dollarlik 6 yilga mo‘ljallangan shartnoma imzolagan. Bu bitim haligacha NBA tarixidagi eng omadsiz kelishuvlardan biri deb hisoblanadi.
Akulalarni akvariumda saqlash juda qimmatga tushishi mumkin. Tuzli suvni almashtirish uchun pul to‘lash, akulalarga ozuqa yetkazib turish va ularga g‘amxo‘rlik qilish uchun odam yollash kerak. Arenasga bu zavq yiliga 80 ming dollarga tushgan.
Lionel Messining ko‘ngilochar bog‘i
“Inter Mayami” futbolchisining boyligi 600 million dollarga baholanadi va Leo ko‘plab qimmatbaho aktivlarga ega. Albatta, Messining avtomobillari, uylari va bog‘lari bor. Lekin Leo o‘ziga xos va noodatiy narsa sotib olishga qaror qilgan.
Messining ko‘ngilochar bog‘i Xitoyda, Nankin shahrida 2020-yilda ochilgan. Muxlislar futbolchining shon-shuhrat yo‘lidagi sayohatidan real vaqt rejimida bahramand bo‘lishi uchun yaratilgan tematik bog‘dir. Bog‘ teatrlar, golografik texnologiyalar, virtual reallik, mehmonxonalar, Amerika tepaliklari, futbol maydoni va to‘g‘ridan-to‘g‘ri Shanxayga boradigan tezyurar poyezd kabi deyarli 300 ming kvadrat fut maydonni egallagan ko‘ngilochar obyektlarni o‘z ichiga oladi.
Bu ajoyib parkni yaratish uchun 170 million dollar atrofida pul sarflangan. Tashkilotchilar bu bog‘ga yiliga 4-5 million odam tashrif buyurishi va chipta narxi 40 dollar ekanini ta’kidlagan.
Mayk Tayson va uning Bengal yo‘lbarslari
It yoki mushuk boqish odamlar uchun odatiy hol. Ammo oq yo‘lbarslarni boqish — umuman boshqa masala.
Ba’zi manbalarga ko‘ra, Tayson uchta Bengal yo‘lbarsi uchun 140 ming dollar to‘lagan va 125 ming dollarga dressirovkachi yollagan.
Bundan tashqari, yirtqichlarni boqish har bir yo‘lbars uchun 4000 dollardan tushadi. Yo‘lbarslar sug‘urta qilingan, buning uchun boks afsonasi oyiga 2000 dollar to‘laydi.
Deshon Stivenson va uy bankomati
NBA’da o‘zining 13 yillik faoliyati davomida Stivenson 6 ta jamoa sharafini himoya qilgan va 10 million dollar atrofida pul ishlab topgan.
Ammo u o‘z pullarini sarflash uchun g‘ayrioddiy yo‘l o‘ylagan. Stivenson o‘z pullarini saqlash uchun ularni konteynerga joylashtirgan.
U o‘ziga bankomat sotib olgan. Mish-mishlarga ko‘ra, Stivenson do‘stlariga juda zarur bo‘lib qolgan paytlarda bankomatdan naqd pul yechib olishga ruxsat bergan va xizmati haqi 4-5 dollarni tashkil etgan. Bankomatda 20 ming dollardan ortiq pul bo‘lmagan. Stivenson esa uni yiliga 4-6 marta to‘ldirib turgan.
Karmelo Entonining tuyasi
NBA tarixidagi eng samarador bombardirlardan biri, Los-Anjeles Leykers jamoasi o‘yinchisi Karmelo Entoni 2011-yilda ijtimoiy tarmoqdagi sahifasida quyidagi yozuvni qoldirgan: “Hammada uy hayvoni sifatida it va mushuklari bo‘lsa, menda tuya bor!”. Va o‘zining tuya bilan tushgan suratini ilova iqlgan.
Entoni tuyani 25 ming dollarga xarid qilgan. Ammo 160 million dollarlik boylikka ega bo‘lgan odam uchun bir necha ming dollar — o‘z shaxsiy tuyasi bilan vaqt o‘tkazish imkoniyati uchun juda arzon narx.
Floyd Meyvezerning brilliant soatlari
Moda haqida gap ketganda, Floyd Meyvezer o‘ziga yuqori e’tiborni jalb qilish uchun pulni ayamaydigan sportchilardan biridir. 15 karra jahon chempioni Jacob & Co brendining soatiga 18 million dollar sarflagan. Soat og‘irligi 260 karat bo‘lgan brilliantlar bilan bezatilgan va juda ajoyib ko‘rinishga ega.
Hashamdor bezaklari tufayli bu soat bir necha uydan ko‘ra qimmat turadi. Meyvezerning ushbu soati dunyodagi eng qimmat soatlar top-10 ligidan joy olgan.
Zlatan Ibrahimovichning oroli
Sobiq futbolchi Zlatan Ibrahimovich ovni juda yaxshi ko‘radi. Uning ko‘chmas mulklari ro‘yxatida Stokgolm yaqinidagi Davenso oroli ham bor. U Malaren ko‘lida joylashgan bo‘lib, Shvetsiyada kattaligi bo‘yicha uchinchi o‘rinda turadi, maydoni 500 gektarni tashkil etadi. Bu orolda yovvoyi bug‘ular va to‘ng‘izlar yashaydi, shunindek, u yerga baliq ovlash uchun ham borish mumkin.
Zlatan orolni qanchaga xarid qilgani haqida rasmiy ma’lumotlar yo‘q. Ba’zi manbalarga ko‘ra, orolning qiymati 2,5-3 million yevroni tashkil etadi.
Maykl Jordanning samolyoti
Afsonaviy basketbolchi Maykl Jordan samolyotlarni yaxshi ko‘radi. Shu sababli u shaxsiy raqami N236MJ bo‘lgan Gulfstream IV samolyotini sotib olishga qaror qilgan. Bu yerda N — Shimoliy Karolina, 23 — uning basketbolda o‘ynagan raqami, 6 — chempionlik uzuklari miqdori, MJ esa ism-sharifining bosh harflari hisoblanadi.
Maykl bu bilan kifoyalanib qolmagan, u samolyotini yangi bosqichga olib chiqqan. Jordan uni “Air Jordan” butsalari dizayniga mos keladigan rangga bo‘yagan. Bunday bo‘yoqlarning narxi oshkor etilmagan, lekin samolyotning o‘zi 30 million dollarni tashkil etishi haqida ma’lumotlar mavjud.
Kris Singltonning lotereya chiptalari
“Vashington Uizards” jamoasining sobiq basketbolchisi Kris Singlton nafaqat Amerikada, balki Xitoy va Turkiyada ham o‘ynagan.
2012-yilda Singlton o‘z boyligini ko‘paytirishga qaror qilgan va Mega Millions o‘yinida ishtirok etish uchun 10 ming dollarlik lotereya chiptalarini sotib olgan. O‘yinning sovrin jamg‘armasi 640 million dollarni tashkil etardi.
Har qanday holatda ham bu sarmoya imkoniyatiga nisbatan juda shubhali tanlov edi. Mega Millions lotereyasi qoidalariga ko‘ra, jekpotni yutib olish imkoniyati 302,5 milliondan birga teng edi. Ko‘plab chiptalar sotib olingan bo‘lsa-da, ularning hech biri omadli bo‘lmadi va Krisga muvaffaqayat keltirmadi.
Izoh (0)