Yaponiyaning Yukai Engineering kompaniyasi Nékojita FuFu nomli ajoyib mini robot ishlab chiqdi.
Qurilma issiq ichimliklar va ovqatlarni tezda sovitish uchun mo‘ljallangan mini-robot bo‘lib, suyuqlikning haroratini 3-5 daqiqada sezilarli darajada pasaytirishga yordam beradi. U qaynoq choy yoki qahvani tezda sovitishni istagan foydalanuvchilar uchun juda qulay va foydali bo‘lishi mumkin.
Gadjetning nomi yaponcha néko-jita (so‘zma-so‘z “mushuk tili” demak) atamasidan olingan, u issiqni yaxshi ko‘rmaydigan va tilini kuydirib qo‘yadigan odamlarni ta’riflash uchun ishlatiladi. FuFu esa tovushga taqlid so‘zi bo‘lib, qaynoq choy yoki ovqatga puflayotganimizda chiqadigan ovozimizni ifodalaydi.
Oq mushuk ko‘rinishidagi ushbu mini-gadjet juda yengil va kichik o‘lchamda. Uning ichki qismida sovuq havo oqimini ta’minlab turadigan ventilyator o‘rnatilgan.
FuFu’dan foydalanish juda oson bo‘lib, uni ishga tushirish uchun birgina tugmani bosish kerak. Qurilma zaryadlanadigan batareya bilan ishlaydi va turli o‘lchamdagi idishlarga osonlik bilan ulanadi.
Mazkur ixtiro Yaponiyaning CES-2025 texnologiya ko‘rgazmasida birinchi marta namoyish etildi, va yaponiyalik ishlab chiqaruvchilar uni keng jamoatchilikka tanishtirishni maqsad qilgan. Yaqin kelajakda uni ommaviy tarzda ishlab chiqarish yo‘lga qo‘yilishi mumkin.
Izoh (0)