Mitti jodugarlar, kelishgan sehrgarlar va makkor jinlarning sarguzashtlarini ko‘rishni istasangiz, mazkur animelar siz uchun.
“So‘nggi manzilga eltuvchi Friren”
- Yaponiya, 2023-yil.
- Anime, fantaziya, drama, sarguzashtlar.
- Davomiyligi: 1 mavsum.
- IMDb: 8,9.
Sehrgar elf Friren, jangchi Ximmel, mitti Ayzen va ruhoniy Xayterdan iborat qahramonlar jamoasi Iblislar qirolini mag‘lub etadi. 50 yil o‘tgach, abadiy Friren yana hamrohlari bilan uchrashadi. Ximmel vafot etganda, qahramon do‘sti bilan juda kam vaqt o‘tkazganini anglaydi. U bilan yana bir bor muloqot qilish uchun Friren o‘limdan so‘ng ruhlar ko‘chib o‘tadigan dunyolar chegarasiga sayohatga otlanadi. Buning uchun elf sehrgar Fern va jangchi Shtarkdan iborat yangi sarguzashtchilar guruhini tuzadi.
Hammasidan ham ko‘ra ko‘proq Friren o‘zining qobiliyatlarini takomillashtirish va noyob afsunlar bilan grimuarlarni (sehr-jodular kitobi) topish bilan shug‘ullanadi, shuning uchun bu animeda sehr muhim ahamiyatga ega. Friren, shuningdek, iste’dodli shogirti Fernning qobiliyatlarini rivojlantiradi.
“Ertaklar”
- Yaponiya, 2009-2019 yillar.
- Anime, fantaziya, jangari film.
- Davomiyligi: 9 fasl.
- IMDb: 7,9.
Voqea sehr-jodu hamma uchun odatiy bo‘lgan xayoliy dunyoda sodir bo‘ladi. Sehrgarlar gildiya (bir xil yoki o‘xshash kasblar yoki maqsadlardagi 10-15 kishidan iborat uyushma)ga birlashadi va turli topshiriqlarni bajarish orqali kun ko‘rishadi.
Bosh qahramon, olovli sehrgar va ajdarlar qotili Natsu otasini izlab Fior qirolligini o‘rganadi. Yo‘lda u sehrgar Lyusi bilan uchrashadi va uni “Ertaklar” gildiyasiga qo‘shilishga taklif qiladi. Muz sehrgari Grey, ritsar qiz Erza, yana bir ajdarlar qotili Vendi va ikkita sehrli mushuk bilan birga ular turli sarguzashtlarga duch kelishadi.
“Doroxedoro”
- Yaponiya, 2020-yil - hozirgi kun.
- Anime, jangari film, komediya, fantaziya, fantastika.
- Davomiyligi: 1 mavsum.
- IMDb: 8,1.
Doroxedoro dunyosi ikkiga bo‘lingan. Birinchisida qudratli sehrgarlar yashaydi. Odamlar yashaydigan va Tuynuk deb ataladigan ikkinchisi esa ularning tajribalari uchun sinov maydoni bo‘lib xizmat qiladi. Aynan shu yerda bosh qahramon — kaltakesak boshli xotirasini yo‘qotgan odam paydo bo‘ladi.
Uni Nikaydo ismli qiz payqab qolib, Kayman deb laqab qo‘yadi. Kayman — sehrga qarshi immunitetga ega bo‘lgan Tuynukning yagona fuqarosi. U xotirasini tiklay oladigan sehrgarni topish niyatida. Bunda qahramonga Nikaydo va uning boshi ichida yashovchi kichkina odam yordam beradi.
“Kiki eltuv xizmati”
- Yaponiya, 1989-yil.
- Anime, fantaziya, komediya, sarguzasht, oilaviy.
- Davomiyligi: 1 soat 43 daqiqa.
- IMDb: 7,8.
13 yoshli afsungar Kiki mushugi Diki bilan ota-onasining uyini tark etadi. U to‘laqonli sehrgar bo‘lish uchun bir yil davomida Koriko shahrida boshqa jodugarlarsiz yashashni rejalashtiradi. U yerda mahalliy novvoy ayol Kiki yordamida yetkazib berish xizmatini tashkil qiladi. Qahramon Koriko aholisi bilan tanishadi va yangi do‘stlar orttiradi, ammo vaqt o‘tishi bilan uning sehrgarlik qobiliyati yo‘qola boshlaydi.
“Kiki eltuv xizmati” — Hayao Miyazakining beshinchi animesi bo‘lib, yaponiyalik yozuvchi Eiko Kadononing xuddi shu nomdagi bolalar kitobiga asoslangan. Miyazaki mazkur hikoya orqali ulg‘ayish, o‘smirlikdagi ruhiy holat va o‘z-o‘zini izlash haqida hikoya qiladi.
“Meri va jodugar guli”
- Yaponiya, 2017-yil.
- Anime, sarguzasht, fantaziya, oilaviy.
- Davomiyligi: 1 soat 42 daqiqa.
- IMDb: 6,8.
Bir kuni Meri o‘rmonda juda chiroyli ko‘k gul topib oladi, natijada u sehrli kuchga ega bo‘ladi. Gullar yordami bilan u supurgida odamlarning ko‘zidan yashiringan Endor jodugarlar maktabiga olib ketiladi. U yerda Merini direktor Sharlotta o‘z himoyasiga oladi va qiz sehr-jodu asoslarini o‘zlashtira boshlaydi. Meri yangi do‘stiga ko‘k gul haqida gapirib beradi, shundan so‘ng Sharlottaning qizga bo‘lgan munosabati keskin o‘zgaradi. U Merining bolalikdagi do‘stini o‘ldirish bilan tahdid qilib, gulni olib kelishni talab qiladi.
“Sehrgarlar akademiyasi”
- Yaponiya, 2017-yil.
- Anime, komediya, fantaziya.
- Davomiyligi: 1 mavsum.
- IMDb: 7,8.
Voqealar Luna Nova sehrgarlik akademiyasida sodir bo‘ladi. Atsuko Akko Kagari butiga o‘xshagan buyuk jodugar, sehrli dunyo yulduzi Shayni Chariot kabi buyuk jodugar bo‘lishni orzu qiladi. U 10 yil oldin Akko Chariotning spektaklida bo‘lgan va juda ta’sirlangan. O‘shandan beri Shayni omma oldida boshqa ko‘rinish bermaydi. Bir kuni Akko sirli sehrli tayoq topib oladi. U Shayniga nima bo‘lganini aniqlash uchun tayoqcha kuchidan foydalanishga umid qiladi.
Izoh (0)