Таиланд полицияси хизмат вақтида ходимга ҳужум қилган мушукни “қўлга олди”. Ҳайвоннинг панжа излари олинган. Бу ҳақда Мотҳершип нашри хабар бермоқда.
Қоидабузар мушук ҳақидаги хабар ижтимоий тармоқларда эълон қилинди ва тез орада вирусли бўлиб тарқалди. Маълум бўлишича, полиция йўқолган уй ҳайвонининг эгаларини топишга уринган, аммо мушук уларнинг баъзиларини тишлаб олган.
Тезкор штаб хабарига кўра, ҳайвонга полиция ходимига ҳужум қилишга уриниш бўйича расман айб қўйилган. Уни суратга олишган ва бармоқ излари сингари панжа изларини олишган.
Кейинроқ полиция ходими мушук гаров эвазига озод қилинганини, бироқ бошқа мушуклар ундан ўрнак олмаслиги учун “ҳуқуқий чоралар кўриш” кераклигини айтди. Таъкидланишича, полиция бўлимига ҳайвоннинг эгаси келиб, уни уйига олиб кетган.
Бундан олдин Истанбулдан келган мушук Россиянинг Фесcо кемасида яшириниб, Новороссийскка етиб келганди. Кемани текшириш пайтида денгизчилар мушук миёвлашини эшитишди, аммо овоз қаердан келаётганини аниқлай олишмади. Мушук белгиланган манзилга етиб боргунга қадар очилиши тақиқланган муҳрланган контейнерда қамаб қолинган эди. Кейинчалик Фесcо вакиллари кўпчилик мушукнинг бошпанасини таъминлашга тайёр эканлигини, бироқ у ваколатли органларнинг рухсатисиз божхона ҳудудини тарк эта олмаслигини маълум қилишди.
Изоҳ (0)