Meyn-kunlar tabiatan yirik gavdasi va do‘stona fe’l-atvori bilan ajralib turadi. Ularning vazni taxminan 4,5 dan 12 kilogrammgacha yetadi, bo‘yi esa 25 dan 40 santimetrgacha bo‘ladi. Meyn-kunlar o‘zining qalin mo‘ynasi, uzun dumi va katta quloqlari ularni boshqa mushuklardan farqlab turadi.
Hozirda dunyodagi eng yirik meyn-kun — Italiyada yashovchi Barivel laqabli mushukdir, uning uzunligi 1,2 metrga teng. Barivel 2016-yil kuzida tug‘ilgan va ikki yil o‘tgach, dunyodagi eng uzun mushuk unvoniga sazovor bo‘lgan.
Barivel mushuklar uchun mo‘ljallangan maxsus yem bilan oziqlanadi, baliq va tovuqni juda xush ko‘radi. Uning ismi “masxaraboz” degan ma’noni anglatadi va ehtimol, egalarining kayfiyatini ko‘tarish qobiliyati tufayli shunday nomlangan.
Avvalroq dunyodagi eng katta meyn-kun sifatida Britaniyada yashagan Ludo ismli mushuk tan olingan, uning uzunligi 118,3 santimetr edi.
Uzun dumli mushuklar orasida rekord AQSHda yashovchi Mister Pagsli laqabli mushukka tegishli — Pagsli dumining uzunligi 46,99 santimetrni tashkil qiladi.
Izoh (0)