Sevimli kinolarni har safar qiziqish bilan qayta-qayta tomosha qilish mumkin. Go‘yoki bu filmlarni boshdan-oyoq bilamiz, dialoglarni yoddan ayta olamiz. Shunday bo‘lsa-da, bu kinoasarlar ko‘plab ajoyib narsalarni o‘zida yashirgan. Masalan, “Ishdagi ishq” filmi lavhalaridagi kulgili e’lonlar yoki “I operatsiyasi” filmidagi kutubxona tonggi soat 3 da ham ishlaydi.
Qiziqarli e’lonlar (“Ishdagi ishq” 1977)
Filmning asosiy voqealari aks etgan binoda statistika idorasidan tashqari boshqa qiziqarli tashkilotlar ham joylashgan. Masalan, “NII Chego” ilmiy-tadqiqot instituti, Noturar joylarning markaziy zaxirasi, Tashqi aloqalar boshqarmasi, “Glavsherst”, “Glavbureniye”, “Glavkost”.
Kutubxonaning ish rejimi (“I operatsiyasi va Shurikning boshqa sarguzashtlari”, 1965)
Diqqatli tomoshabinlar “I operatsiyasi”dagi novellalar o‘rtasidagi bog‘liqliklarni ham topganlar. Ularning birida qahramonlar o‘rtasida quyidagi dialog sodir bo‘ladi: “Siz hozir nima so‘radingiz?” — “Kutubxonaga qanday boriladi?” — “Tungi soat 3 da-ya. Ahmoq...”
Aftidan, qahramon ahmoq emasga o‘xshaydi, chunki oldingi novellada Shurik kechasi soat 3 da ish boshlaydigan kutubxonadan chiqadi.
Sirpanmaydigan tarvuz po‘chog‘i (“Brilliant qo‘l”, 1968)
Gorbunkov tarvuz po‘chog‘ini bosib yiqilib tushgan sahnada Yuriy Nikulin o‘rniga Leonid Kanevskiy o‘ynagan. Bunga sabab Nikulinning tarvuz po‘chog‘iga sirpanolmagani edi, uning yiqilishi g‘ayritabiiy ko‘rinardi. Aktyorlarning almashganligi ziyrak tomoshabin payqab olishi mumkin: po‘choqni jigarrang botinka bosadi, sirpanib oyoqlar yuqoriga ko‘tarilganda qara botinkani ko‘rish mumkin.
Kesilgan epizodlar (“Ishdagi ishq” 1977)
Suratga olingan kadrlarning hammasi ham filmning yakuniy versiyasiga to‘g‘ri kelmaydi. Ammo ba’zida syujetning rivojlanishi haqida chuqurroq tushuncha berishlari mumkin bo‘lgan sahnalar ham olib tashlanadi, masalan, Samoxvalov Rijovani quchoqlagan kadr — bu bazmdan keyin ayolning his-tuyg‘ulari va xotiralari nima uchun paydo bo‘lganini tushuntiradi.
Qahramonlar ishxonadagi ertalabki gimnastika qiladigan kadr ham qiziq. To‘g‘ri, bu sahna butunlay qirqib tashlangan.
“Mushuk Leopold” haqidagi multfilmlardagi sahnalar
Ma’lum bo‘lishicha, “Mushuk Leopold” multfilmlari seriyasida afsonaviy filmlardagi sahnalarga havolalar mavjud: “Cho‘lning oq quyoshi” va “Omadli jentlmenlar” qahramonlari ham xuddi shunday holatga tushadi.
Ko‘p rollarni o‘ynagan Drujok (“Ayoz bobo” 1964 / “Yo‘qotilgan vaqt haqida ertak”, 1964)
Drujok laqabli it dastlab “Yo‘qotilgan vaqt haqida ertak” filmida, keyin esa “Ayoz bobo” filmida Tyap rolini o‘ynagan.
Ryazanov shifokor rolida (“Italiyaliklarning Rossiyadagi g‘aroyib sarguzashtlari”, 1974)
Afsonaviy rejissyor filmlarida ko‘rinish berishni yaxshi ko‘rardi. Shunday qilib “Italiyaliklarning Rossiyadagi g‘aroyib sarguzashtlari” filmida u samolyot illyuminatordan tiqilib qolgan mafiozni ozod qilgan shifokor rolini o‘ynagan.
Izoh (0)