Har qanday filmni ko‘rganda tomoshabin birinchi navbatda aktyorlarning ijrosiga va film syujetiga ko‘proq e’tibor qaratadi, lekin hech qaysi film turli mayda xatoliklardan xoli emas. Masalan, kadrda interyerning keskin o‘zgarishi, qahramonlar tashqi ko‘rinishida nuqsonlar bo‘lishi, film yoki serialdagi vaqtga to‘g‘ri kelmaydigan turli detallar ham uchrab turishi mumkin.
“Leon”
Matilda va Leon stolda o‘tirib, sut ichayotgani tasvirlangan kadrda qizning stakanidagi sut to‘satdan ko‘payib ketganini sezish mumkin. Ammo o‘smir qiz stakanni to‘ldirgani haqida hech qanday ovoz va sahna tomoshabinga ko‘rsatilmaydi.
Matilda kiyim almashtirayotgan paytda yana bir xatolik bor. Avvaliga uning orqa tomonida joylashgan yuvinish xonasida oynani ko‘rishingiz mumkin, keyingi kadrda ko‘zgu yo‘qolib qoladi va yana paydo bo‘ladi.
“Gladiator II”
Lyutsiya Kolizey devorlarida: “Hayotdagi qilingan amallar abadiylikda aks sado beradi” yozuvi bo‘lgan qismga olib borilganda, bu ibora ingliz tilida bitilgani ma’lum bo‘ladi, ammo ingliz tili 5-asrda paydo bo‘lgan, filmdagi voqealar esa 3-asrda sodir bo‘ladi.
“Asalarichi”
Filmdagi mantiqqa to‘g‘ri kelmaydigan eng g‘ayrioddiy sahnalaridan biri shuki, unda maxfiy xizmat ishchisi orqa tomondan ko‘rsatiladi. Uning yelkasida esa “Maxfiy xizmat” degan yozuv bo‘ladi. Aslida bunday tashkilot xodimlari ish jarayonida ko‘pincha maxsus forma kiymaydi.
“Bitljus 2”
Bitljus bilan Lidiya o‘rtasida tuzilgan shartnomadagi imzoga e’tibor bering: u nafaqat vizual jihatdan farq qiladi, balki hujjatning turli qismlarida paydo bo‘ladi.
“Dovyurak”
Ko‘pchilik mazkur filmni tomosha qilayotganida ushbu xatoliklarni payqamagan bo‘lishi mumkin: kadrlardan birida otlar minib ketayotgan odamlarning ortida zamonaviy mashina paydo bo‘ladi.
“Hayot-mamot o‘yinlari: ilonlar va sayroqi qushlar balladasi”
Lyusi Grey qahramoni sahnada turganida, kamera uni orqa fondan suratga oladi. Biroz vaqt o‘tgach, qiz mikrofonni tashlab ketayotganida, uning ortida to‘satdan mikrofon stendi paydo bo‘ladi.
Yana bir xatolik: Koriolan yo‘lni kesib o‘tganda, u asfaltdagi oq chiziq bo‘ylab harakat qiladi. Bir necha soniyadan keyin ko‘rsatilgan karda esa u o‘sha chiziqning chap tomondan ketgan tasvir ko‘rsatiladi.
“Yura davri dunyosi: hukmronlik”
Bosh qahramonlar oynasi singan vertolyotda uchib ketadi, ammo birorta yo‘lovchining sochlari shamoldan harakatlanmaydi. So‘ng ular vertolyot bilan birga suvga sho‘ng‘ib ketadi, lekin halokatdan keyin ikkala yo‘lovchi vertolyotdan butunlay quruq chiqib ketadi.
“Lyusi”
Ushbu filmda avvaliga bosh qahramonning qosh qismi shilingan holatda ko‘rsatiladi, keyingi kadrlarda Lyusi yuzlarida birorta chandiq ko‘rinmaydi.
“Qora ritsar: afsonaning qaytishi”
Tunneldan o‘tishdan avval Mushuk ayol ko‘zoynagini taqib oladi, biroq keyingi kadrlarda uni yana ko‘zoynaklar yechilgan holatda ko‘ramiz.
Izoh (1)
Qachon bo‘lsa kinoladan xato topasila. O‘zbekiston shunaqa kino ishlab chiqarolmaydiku. Kindandir xato topish uchun o‘shaladan zo‘r bo‘lish kerak.