Luka Modrich “Real Madrid”ni mavsum yakunida tark etadi. Bu haqda klub matbuot xizmati xabar berdi.
Maʼlum qilinishicha, futbolchi 24-may kuni “Santiago Bernabeu”da klub safidagi so‘nggi o‘yinini o‘tkazadi va muxlislar bilan xayrlashadi.
Maʼlumot uchun, Modrich “Real”ga 2012-yilda kelgan. Futbolchi madridliklar safidagi 13 mavsum davomida 28 ta sovrin yutdi. Jumladan: 6 marta YCHL, 6 marta Klublar o‘rtasidagi Jahon chempionati, 5 karra Yevropa Superkubogi, 4 karra La Liga chempionligi, 2 karra Ispaniya kubogi va 5 marta Ispaniya Superkubogi.
Modrich, shuningdek, 2018-yili “Oltin to‘p” sovrinini qo‘lga kiritdi.
Xorvatiyalik yarim himoyachi klub safida 590 ta o‘yinda maydonga tushib, 43 ta gol urgan.
Izoh (0)