“Real” futbolchisi Luka Modrich faoliyatini Saudiya Arabistoni chempionatida davom ettirishi mumkin. Bu haqida Todofichajes nashri xabar bermoqda.
Manbaga ko‘ra, xorvatiyalik futbolchiga “An-Nassr” va “Al-Ittihod” jamoalari jiddiy qiziqish bildirmoqda. Modrichning “Real”dagi sobiq jamoadoshlari Krishtianu Ronaldu va Karim Benzema o‘ynaydigan har ikki klub ham futbolchiga 100 million yevro ishlab topishi mumkin bo‘lgan 2 yillik shartnoma taklif qilmoqda.
Luka esa faoliyatini Osiyoda davom ettirishga shoshilmayapti, boisi, “qirollik klubi” u bilan yana bir yillik bitim imzolashga harakat qilmoqda. Agar kelishuv amalga oshsa, 39 yoshli futbolchi 2026-yilning yoziga qadar Madrid jamoasi safida harakat qiladi.
Ma’lumot o‘rnida, Modrich ushbu mavsum 23 ta uchrashuvda maydonga tushib, 2 ta gol va 2 ta golli uzatmaga mualliflik qilgan. Uning klub bilan shartnomasi shu yilning yoziga qadar amal qiladi.
Izoh (0)