Madridning “Real” klubi keyingi mavsum oldidan yuqori darajadagi futbolchi xarid qilishni rejalashtirmoqda. Bu haqda AS nashri jurnalisti Xoakin Maroto xabar bergan.
Manbaga ko‘ra, “qirollik klubi” yozda, Klublar o‘rtasidagi jahon chempionati yakunlangach, yangi futbolchi bilan shartnoma imzolashni mo‘ljallamoqda. Hozircha uning ismi oshkor qilinmagan, biroq transfer narxi 100 million yevrodan ortiq bo‘lishi kutilmoqda.
Avvalroq “qaymoqranglilar” “Bornmut” futbolchisi Din Xeyson bilan shartnoma imzolagani xabar qilingan edi. Shuningdek, madridliklar AQSHda bo‘ladigan Klublar o‘rtasidagi Jahon chempionatiga qadar “Liverpul” a’zosi Aleksandr-Arnold transferini ham rasman e’lon qilishi kutilmoqda.
Eslatib o‘tamiz, “Real Madrid” joriy mavsum Chempionlar Ligasi chorak finalida “Arsenal”ga imkoniyatni boy berdi. Shuningdek, klub Ispaniya Kubogi va Superkubogi finaliga yetib bordi, biroq har ikkala uchrashuvda ham “Barselona”ga mag‘lub bo‘ldi. Jamoa La Liga 37-turdan so‘ng turnir jadvalida 2-o‘rinni egallab turibdi.
Izoh (0)