Madridning “Real” klubi “Atletik” futbolchisi Niko Uilyams borasida bilbaoliklar rahbariyati bilan bog‘langani yo‘q. Bu haqda AS nashri jurnalisti Xoakkin Maroto ma’lum qildi.
Avvalroq Marca nashri “qaymoqranglilar” “Atletik” bilan shartnomani muddatidan oldin bekor qilishi uchun Uilyamsga 58 million yevro to‘lashga tayyorligi haqida xabar qilgandi. Biroq Marotoga ko‘ra, “Real” bu transferni hozircha ko‘rib chiqmayapti.
Ma’lumotlarga ko‘ra, Madrid klubi avvalroq Niko Uilyamsga “Barselona” qiziqayotganini inobatga olib, uni qo‘lga kiritish imkoniyatini o‘rganayotgan edi. Hatto “Real” tomon bu transfer uchun braziliyalik hujumchi Rodrigoni ham sotishga tayyor ekanligi aytilgandi.
Eslatib o‘tamiz, 22 yoshli ispaniyalik vinger joriy mavsumda barcha musobaqalar doirasidagi 44 ta o‘yinda maydonga tushib, o‘z hisobiga 11 ta gol va 7 ta golli uzatma yozdirib qo‘ygan. Uning “Atletik” bilan shartnomasi 2027-yilning yozigacha amal qiladi. Transfermarkt saytiga ko‘ra, futbolchining qiymati 70 million yevroni tashkil etadi.
Izoh (0)