Лука Модрич “Реал Мадрид”ни мавсум якунида тарк этади. Бу ҳақда клуб матбуот хизмати хабар берди.
Маълум қилинишича, футболчи 24 май куни “Сантиаго Бернабеу”да клуб сафидаги сўнгги ўйинини ўтказади ва мухлислар билан хайрлашади.
Маълумот учун, Модрич “Реал”га 2012 йилда келган. Футболчи мадридликлар сафидаги 13 мавсум давомида 28 та соврин ютди. Жумладан: 6 марта ЕЧЛ, 6 марта Клублар ўртасидаги Жаҳон чемпионати, 5 карра Европа Суперкубоги, 4 карра Ла Лига чемпионлиги, 2 карра Испания кубоги ва 5 марта Испания Суперкубоги.
Модрич, шунингдек, 2018 йили “Олтин тўп” совринини қўлга киритди.
Хорватиялик ярим ҳимоячи клуб сафида 590 та ўйинда майдонга тушиб, 43 та гол урган.
Изоҳ (0)