Ispaniyalik jurnalist Migel Anxel Diasning xabar berishicha, Luka Modrich Klublar o‘rtasidagi Jahon chempionatidan so‘ng “Real Madrid” bilan xayrlashadi.
39 yoshli xorvatiyalik yarim himoyachi jamoada qolishni istagan bo‘lsa-da, klub unga yangi shartnoma taklif qilmagan. Taxminlarga ko‘ra, Modrich 24-may kuni bo‘ladigan “Real Sosyedad”ga qarshi bahsda “Santyago Bernabeu”dagi muxlislar bilan xayrlashadi.
Ta’kidlanishicha, bu qaror klub tomonidan mustaqil ravishda qabul qilingan. Jamoaga kelishi kutilayotgan Xabi Alonso Lukani tarkibda ko‘rishni istagandi, biroq rahbariyat mutaxassisning fikrini inobatga olmagani aytilmoqda.
Luka Modrich “Real Madrid” safida 13 mavsum o‘tkazdi, bu davr mobaynida 6 marta UEFA Chempionlar Ligasi, 4 marta La Liga, 2 marta Ispaniya Kubogi va 1 marta “Oltin to‘p” mukofotini qo‘lga kiritgan.
Joriy mavsum Modrich asosiy tarkibdan chetda qolgan bo‘lsa-da, 56 o‘yinda maydonga tushib, o‘z hisobiga 4 ta gol va 9 ta golli uzatma yozdirib qo‘ydi.
Shuningdek, Modrichning klub bilan xayrlashuvi kuni Karlo Anchelotti, Lukas Vaskes va Xesus Valyexo ham “Real”ni tark etishini rasman e’lon qilishi kutilmoqda.
Ma’lumotlarga ko‘ra, Modrich va Vaskes Klublar o‘rtasidagi Jahon chempionatida ishtirok etadi. Valyexo esa AQShga bo‘ladigan safarga olib ketilmaydi.
Izoh (0)