Ispaniyalik chap qanot himoyachisi Alvaro Karreras “Benfika”dan “Real Madrid” safiga o‘tishi kutilmoqda. Bu haqida AS nashri xabar bermoqda.
Ma’lumotlarga ko‘ra, 22 yoshli futbolchining transferi 40–50 million yevro atrofida bo‘lishi kutilmoqda. Boisi, “Benfika” futbolchi uchun 40 million yevro miqdorida minimal narx belgilagan.
Qizig‘i shundaki, o‘tgan mavsum avvalida “Manchester Yunayted” Karrerasni Lissabon klubiga sotib yuborgandi. Mankunianliklar uni qaytarib olish huquqiga ega edi, ammo ular “Real”dan bo‘layotgan taklifdan so‘ng fikrini o‘zgartirdi. Shuningdek, “qizil iblislar” va “Benfika” o‘rtasida tuzilgan shartnomada keyingi transferdan ma’lum miqdorda summa ingliz klubiga ajratilishi borasida band kiritgan. Shu bois manchesterliklar Karrares transferidan 18 million yevro daromad qilishi mumkin.
Eslatib o‘tamiz, Alvaro Karreras faoliyatining dastlabki yillarida “Real Madrid” akademiyasida to‘p surgan. Keyinchalik “Manchester Yunayted” safiga erkin agent bo‘lib qo‘shilgan edi.
O‘tgan mavsum Alvaro Portugaliya chempionati doirasidagi 32 ta uchrashuvda maydonga tushib, 3 ta gol va 1 golli uzatma muallifiga aylangan.
Izoh (0)