Leverkuzenning “Bayer” hamda Ekvador terma jamoasi himoyachisi Pyerro Inkapiye Ispaniyaga yetib keldi. El Chiringuito nashriga ko‘ra, himoyachi Madrid aeroportida ko‘rinish bergan.
Manbaga ko‘ra, Inkapiye “Real Madrid”ga o‘tishga juda yaqin turibdi. “Qirollik klubi” Din Xeysen bilan shartnoma imzolagach, yana bir markaziy himoyachi izlayotgani va bu aynan ekvadorlik futbolchi ekanligi haqida xabarlar tarqaldi.
Qayd etilishicha, Xabi Alonso klub rahbariyatidan mazkur transferni amalga oshirishni so‘ragan. U ancha paytdan beri Inkapiye bilan ishlab kelmoqda. Shu bois uni yangi jamoasida ham ko‘rishni istamoqda. Shuningdek uning asosiy maqsadi — himoyadagi raqobatni kuchaytirish.
💣🇪🇨 "HINCAPIÉ está en MADRID".
— El Chiringuito TV (@elchiringuitotv) May 21, 2025
‼️ "Es una opción que puede coger mucho peso para reforzar al Real Madrid".
ℹ️ Información de @marcosbenito9 en #ChiringuitoMadrid. pic.twitter.com/Hw872hOXh8
Shartnomada ekvadorlik himoyachining tovon puli 60 million yevro deb belgilangan. Agar “qaymoqranglilar” mazkur xaridni amalga oshirishni istasa, yuqoridagi summani to‘lashi talab etiladi.
Pyerro Inkapiye 2021-yildan beri “Bayer” safida to‘p suradi. U joriy mavsum leverkuzenliklar tarkibida 45 ta o‘yinda ishtirok etib, o‘z hisobiga 3 ta gol va 2 ta assist yozdirib qo‘ygan. Uning nemis klubi bilan shartnomasi 2029-yilgacha amal qiladi. Transfermarkt portali futbolchining qiymatini 50 million yevroga baholagan.
Izoh (0)