“Real”ning afsonaviy yarim himoyachisi Luka Modrich kelasi yozda jamoani tark etishi mumkin.
Xorvatiyalik futbolchining shartnomasi tugamoqda, turli ma’lumotlarga ko‘ra, tomonlar uni uzaytirishlari dargumon. Madrid klubi yozda uning o‘rniga o‘rinbosar topish uchun transfer bozoriga kiradi, deb xabar beradi El Gol Digital.
Manbaga ko‘ra, eng asosiy nomzod — “Inter” yulduzi Nikolo Barella. “Inter” futbolchi uchun 80 million yevro olmoqchi, biroq klub prezidenti Florentino Peres milanliklarni 60 million yevro evaziga transferga rozi bo‘lishga ishontirishiga ishonchi komil.
Joriy mavsumda Barella “Inter” safida 13 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Transfermarkt 27 yoshli yarim himoyachini 80 million yevroga baholagan.
Izoh (0)