Futbol bo‘yicha Ispaniya La Ligasining 7-turida “Real” 24-sentyabr, seshanba kuni “Alaves”ga qarshi bahs olib bordi.
Uchrashuvning 1-daqiqasidayoq madridliklar hisobni ochdi. Vinisius qanotdan yorib kirdi va Lukas Vaskesga to‘pni uzatdi. Vaskes esa uni darvozaga joylab qo‘ydi. 40-daqiqada Kilian Mbappe “qaymoqranglilar”ning navbatdagi goli muallifiga aylandi.
Ikkinchi bo‘lim boshida esa Rodrigo hisobni yirik ko‘rinishga olib keldi. “Alaves” ham ora-orada vaziyatlar yaratib turdi va 85-daqiqaga kelib, hisobni qisqartirdi. Benavides o‘z nomini tabloga yozdirib qo‘ydi. Oradan bir daqiqa o‘tib, Garsiya “Alaves”ning ikkinchi goliga mualliflik qildi. Biroq ushbu gollar “Real”ning g‘alaba qozonishiga to‘sqinlik qilmadi.
“Real” ushbu g‘alabadan so‘ng ochkolari sonini 17 taga yetkazdi va turnir jadvalida 2-o‘rinda bormoqda.
La Liga
7-tur
24-sentyabr, seshanba
“Real” — “Alaves” 3:2
Gollar: 1:0 – 1 Vaskes, 2:0 – 40 Mbappe, 3:0 – 48 Rodrigo, 3:1 – 85 Benavides, 3:2 – 86 Kike Garsiya.
“Real Madrid”: Kurtua, Mendi, Militao (Valexo, 80), Ryudiger, Vaskes, Bellingem, Tchuameni, Valverde (Modrich, 69), Vinisius Junior (Fran Garsiya, 90), Mbappe (Gyuler, 80), Rodrigo (Endrik, 69).
“Alaves”: Sivera, Sanches (Pika, 71), Diarra, Abkar (Guridi, 46), Mourinyo, Antonio Blanko (Gevara, 60), Benavides, Konechni, Novoa, Vilyalibre (Kike Garsiya, 71), Romero (Rebbash, 60).
Ogohlantirishlar: Valverde (4), Vinisius Junior (30), Endrik (83), Modrich (90+6).
Izoh (0)