Madridning “Real” klubi hujumchisi Vinisius Junior maoshini oshirish bo‘yicha muzokaralar olib bormoqda va bu uni jamoaning eng ko‘p maosh oluvchi futbolchisiga aylantirishi mumkin, deb xabar berdi Diario AS.
Braziliyalik futbolchining amaldagi shartnomasi 2027-yil yozigacha amal qiladi. U Madridda qolishni istayotganini bir necha bor ta’kidlagan, ammo hali yangi kelishuv bo‘yicha aniq to‘xtamga kelinmagan. Futbolchi “Real”ning dastlabki taklifini rad etgan, sababi Vinisius yiliga soliqlardan tashqari 20 million yevro maosh olishni istamoqda. Hozirda futbolchi soliqlarsiz klubda 15 million yevro maosh oladi.
“Daryo” “Real” futbolchilari qancha maosh olishi haqida so‘z yuritadi.
Darvozabonlar
Hozirda “Real”da faqat ikkita darvozabon bor: Tibo Kurtua va Andriy Lunin. Siz allaqachon qaysi futbolchi ko‘proq maosh olishini taxmin qilgan bo‘lishingiz mumkin, ammo belgiyalik kiper ukrainalik hamkasbidan ikki baravar ko'proq maosh olishi hayolingizga kelmagani aniq.
| Futbolchilar | Maoshi |
|---|---|
| Tibo Kurua | 15 mln yevro |
| Andriy Lunin | 4,5 mln yevro |
Himoyachilar
“Real” klubi tarkibida eng katta maosh oluvchi himoyachi David Alaba bo‘lib, u oyiga 22,5 million yevro ishlab topadi.
Antonio Ryudiger va Eder Militao bir xil maosh oladi. Bundan tashqari Ferlan Mendi va klubning uzoq yillik vakili, akademiya tarbiyalanuvchisi Dani Karvaxalning maosh miqdori teng.
| Futbolchilar | Maoshi |
| David Alaba | 22,5 mln yevro |
| Antonio Ryudiger | 14,5 mln yevro |
| Eder Militao | 14,5 mln yevro |
| Dani Karvaxal | 10,4 mln yevro |
| Ferlan Mendi | 10,4 mln yevro |
| Lukas Vazkes | 9,3 mln yevro |
| Fran Garsiya | 5,2 mln yevro |
| Xesus Valyexo | 1,8 mln yevro |
Yarim himoyachilar
Jud Bellingem “Real”dagi eng ko‘p maosh oluvchi yarim himoyachi hisoblanadi. Fede Valverde esa keyingi o‘rinda turadi.
Shuningdek, fransiyaliklar Orelian Chuameni va Eduardo Kamavinga ham yiliga 12 million yevrodan ortiq maosh olmoqda.
Klub afsonasi Luka Modrich esa hali ham yuqori maoshga loyiq ekanini isbotlashda davom etmoqda. U jamoada zaxiradan maydonga tushayotgan bo‘lsa-da, ishonchli o‘yini tufayli hali ham 10 million yevrodan ortiq maosh olmoqda.
Madridliklarning eng kam maosh oluvchi yarim himoyachisi esa Arda Gyuler. 19 yoshli turk futbolchisi “Real”dagi ikkinchi mavsumini o‘tkazmoqda va hozircha klubning eng kam daromad qiluvchi yarim himoyachisi sanaladi.
| Futbolchilar | Maoshi |
| Jud Bellingem | €20,8 mln yevro |
| Fede Valverde | €16,6 mln yevro |
| Orelian Chuameni | €12,5 mln yevro |
| Eduardo Kamavinga | €12,5 mln yevro |
| Luka Modrich | €10,4 mln yevro |
| Dani Seballyos | €10,4 mln yevro |
| Arda Guler | €5,2 mln yevro |
Hujumchilar
Bu borada hech qanday shubha yo‘q — Kilian Mbappe “Real”ning eng ko‘p maosh oluvchi hujumchisi. U klubdagi yiliga 30 million yevrodan ko‘proq maosh oladigan yagona futbolchi hisoblanadi.
Ikkinchi o‘rinda Vinisius Junior, undan keyin esa Rodrigo joy olgan. Ayrim muxlislar Rodrigoga bundan ham katta maosh berilishi kerak deb hisoblaydi.
Shuningdek, Braim Dias ham hozirda 7 million yevrodan ortiq ishlab topmoqda, lekin ko‘pchilik uning ham maoshi oshirilishi kerakligi haqida aytiladi.
Klubning eng kam maosh oluvchi hujumchisi esa Endrik. U o‘tgan yozda Braziliyaning “Palmeyras” klubidan kelib qo‘shilgan va hozircha jamoaning eng kam daromad qiluvchi hujumchisi bo‘lib turibdi.
| Futbolchilar | Maoshi |
|---|---|
| Kilian Mbappe | 31,2 mln yevro |
| Vinisius Jr | 20,8 mln yevro |
| Rodrigo | 12,5 mln yevro |
| Braim Dias | 7,2 mln yevro |
| Endrik | 4,1 mln yevro |
“Real”ning eng ko‘p maosh oluvchi 5 futbolchisi
Madridning “Real” klubida eng ko‘p maosh oluvchi futbolchi Kilian Mbappe bo‘lib, u yiliga 30 million yevrodan ortiq ishlab topadi. U klubdagi eng katta maosh oluvchi futbolchi bo‘lish bilan birga, ushbu ko‘rsatkich bo‘yicha raqiblaridan ham ancha ilgarilab ketgan.
Ikkinchi o‘rindan David Alaba joy olgan. Uning maoshi Jud Bellingem va Vinisius Juniornikidan ham yuqori. Lekin ushbu uch futbolchi ham yiliga 20 million yevrodan ortiq ishlab topmoqda.
Top-5 ro‘yxatini esa Fede Valverde yakunlaydi. U kelajakda “Real” sardoriga aylanishi mumkin va hozirda jamoaning eng yuqori maosh oluvchi futbolchilaridan biri hisoblanadi.
| Futbolch | Maoshi |
|---|---|
| Kilian Mbappe | 31,2 mln yevro |
| David Alaba | 22,5 mln yevro |
| Jud Bellingem | 20,8 mln yevro |
| Vinisius Junior | 20,8 mln yevro |
| Fede Valverde | 16,6 mln yevro |
Ma’lumot uchun ushbu maosh summasi soliqlar bilan qo‘shib hisoblangan. Agar soliqlardan tashqari hisoblansa, raqam ko‘rsatkichlarida pasayish bo‘ladi.
Izoh (0)