O‘zbekiston va Isroil o‘rtasida yana bir muntazam aviaqatnovlar yo‘lga qo‘yildi, deb xabar bermoqda “Dunyo” AA.
Keltirilishicha, O‘zbekistonning Centrum Air aviakompaniyasi 10-aprel kuni Toshkent va Tel Aviv shaharlari o‘rtasidagi to‘g‘ridan to‘g‘ri ilk parvozini amalga oshirdi. Bu yangi yo‘nalish faqat geografik bog‘liqlik emas, balki ikki mamlakat o‘rtasidagi do‘stona munosabatlarning rivojlanishiga xizmat qilishi taʼkidlangan.
Qayd etilishicha, endi ikki mamlakat aholisi turizm, biznes, savdo va ziyorat maqsadida yanada oson uchish imkoniyatiga ega bo‘ladi. Centrum Air ushbu yo‘nalishda to‘g‘ridan to‘g‘ri aviareyslarni amalga oshirayotgan uchinchi aviakompaniya bo‘ldi.
Yangi havo qatnovlarining ochilish marosimida so‘zga chiqqanlar muntazam aviareyslar ikki mamlakat o‘rtasida ishonchli va talab yuqori bo‘lgan yo‘nalishga aylanishini taʼkidladi.
Bundan avval O‘zbekiston va Janubiy Koreya o‘rtasidagi jami aviaqatnovlar soni haftasiga 48 taga oshirilgani haqida xabar berilgandi.
Izoh (0)