Ўзбекистон ва Исроил ўртасида яна бир мунтазам авиақатновлар йўлга қўйилди, деб хабар бермоқда “Дунё” АА.
Келтирилишича, Ўзбекистоннинг Centrum Air авиакомпанияси 10 апрель куни Тошкент ва Тель Авив шаҳарлари ўртасидаги тўғридан тўғри илк парвозини амалга оширди. Бу янги йўналиш фақат географик боғлиқлик эмас, балки икки мамлакат ўртасидаги дўстона муносабатларнинг ривожланишига хизмат қилиши таъкидланган.
Қайд этилишича, энди икки мамлакат аҳолиси туризм, бизнес, савдо ва зиёрат мақсадида янада осон учиш имкониятига эга бўлади. Centrum Air ушбу йўналишда тўғридан тўғри авиарейсларни амалга ошираётган учинчи авиакомпания бўлди.
Янги ҳаво қатновларининг очилиш маросимида сўзга чиққанлар мунтазам авиарейслар икки мамлакат ўртасида ишончли ва талаб юқори бўлган йўналишга айланишини таъкидлади.
Бундан аввал Ўзбекистон ва Жанубий Корея ўртасидаги жами авиақатновлар сони ҳафтасига 48 тага оширилгани ҳақида хабар берилганди.
Изоҳ (0)