Joriy yilning bahorida Uzbekistan Airways Toshkent va Madrid o‘rtasida to‘g‘ridan to‘g‘ri aviaqatnovlarni amalga oshirishni boshlaydi. Parvozlar har hafta – dushanba kunlari amalga oshiriladi. Siz uchun aviachiptalar narxi va parvozlar jadvali haqida ma’lumot tayyorladik.
Madrid – Ispaniyaning yuragi, doimo hayot qaynaydigan shahar. Bir vaqtlar u korrida (buqalar jangi) va hashamatli saroylar bilan mashhur bo‘lgan bo‘lsa, bugungi kunda san’at ixlosmandlari, futbol muxlislari, taom shinavandalari va xarid qilishni yaxshi ko‘radiganlarni o‘ziga jalb qiladi.
Quyoshli megapolis jahon san’ati durdonalari namoyish etilgan Qirollik saroyi va mashhur Prado muzeyi kabi ajoyib me’moriy yodgorliklari bilan mashhur. Saroy yonida Don Kixotning sarguzashtlari haqidagi afsonaviy kitob muallifi, mashhur ispan yozuvchisi Migel de Servantes haykali joylashgan.
Futbol muxlislari Madridning “Real” klubining uy uchrashuvlari o‘tkaziladigan – afsonaviy “Santyago Bernabeu” maydoniga tashrif buyurish imkoniyatini, shubhasiz, yuqori baholashadi. Tabiatni va sayr qilishni qadrlaydiganlar uchun esa Buen-Retiro bog‘i shahar markazida dam olish uchun eng yaxshi maskanlardan biri hisoblanadi.
Uzbekistan Airways Toshkent – Madrid – Toshkent yo‘nalishi bo‘yicha yangi to‘g‘ridan to‘g‘ri aviaqatnovlar yo‘lga qo‘yilganini mamnuniyat bilan e’lon qiladi! Parvozlar 7-apreldan dushanba kunlari quyidagi jadvalga muvofiq Boeing 787 Dreamliner havo kemalarida amalga oshiriladi:
- Toshkentdan jo‘nab ketish soat 12:00, Toshkent vaqti bilan
- Madridga yetib borish soat 17:05, Madrid vaqti bilan;
- Madriddan jo‘nab ketish soat 18:35, Madrid vaqti bilan;
- Toshkentga yetib kelish ertasi kuni soat 04:40, Toshkent vaqti bilan.
Bir tomonlama aviachiptalar narxi 4 607 000 so‘mdan, Toshkent – Madrid – Toshkent yo‘nalishi bo‘yicha esa 8 220 000 so‘mdan boshlanadi.
Ispaniyaga sayohat qilish orzusi faqat orzu bo‘lib qolishiga yo‘l qo‘ymang! Aviachiptalarni booking.uzairways.com sayti, Uzbekistan Airways ilovasi, Uzbekistan Airways Sales filiali va aviakompaniya agentlaridan xarid qiling.
Reklama huquqi asosida.
Izoh (0)