Yevropa Ittifoqi yaqin kunlarda Amerika texnologiya gigantlari Apple va Meta’ni monopoliyaga qarshi qonunchilikni buzganligi uchun jarimaga tortishi mumkin. Bu haqda Euractiv portali ma’lum qilgan.
Portal ma’lumotlariga ko‘ra, tez orada Yevropa komissiyasi (YK) tomonidan okean orti texnologiya kompaniyalarining hamjamiyatning raqamli bozorlar va raqamli xizmatlar to‘g‘risidagi qonunlarini buzishi bo‘yicha tekshiruv o‘tkazish uchun belgilangan 12 oylik muddat tugaydi. Bryussel Meta’ni 1 milliard dollardan ortiq jarimaga tortishni rejalashtirmoqda.
Yevropa nazorat organlari X’ni ham raqamli xizmatlar to‘g‘risidagi qonunni buzganligi uchun jarimaga tortishi mumkin. Bu qonun internet-resurs operatorlarini sud qarorisiz hamjamiyatda taqiqlangan deb belgilangan kontentni olib tashlashga majbur qiladi. Biroq Ilon Maskka tegishli platforma bo‘yicha tergov hali yakunlanmagan.
2024-yilda YK Alphabet, Apple va Meta kompaniyalariga nisbatan beshta tergovni boshlagan. Portal eslatib o‘tganidek, mart oyida Bryusselda Apple va Alphabet’ga nisbatan uchta qaror e’lon qilindi, ammo ularning hech biri jarimaga tortilgani yo‘q.
Yevrokomissiya Google qidiruv tizimini o‘z ichiga olgan Alphabet kompaniyasiga Yevropa Ittifoqining raqamli bozorida raqobat qoidalarini muntazam ravishda buzayotgani to‘g‘risida ogohlantirish yuborgandi.
Izoh (0)