Bugun biz sevishni, ijod qilishni, mazali ovqatlanishni, zavqlanishni, ilhomlanishni va hayotning har bir daqiqasidan zavqlanishni xohlaydigan mamlakat haqida gaplashamiz. Italiya birinchi qarashdanoq odamni o‘ziga mahliyo etadi va uzoq vaqtgacha yurakdan joy oladi. Uzbekistan Airways o‘z yo‘lovchilariga Italiyaning ikkita shahri – Rim va Milanga to‘g‘ridan to‘g‘ri aviaqatnovlarni taklif qiladi.
Rimni butun umr davomida o‘rganish mumkin. Shaharning tashrif qog‘ozi, shubhasiz, ko‘p asrlik Kolizeydir. Bir vaqtlar uning devorlari gladiatorlar jangiga guvoh bo‘lgan. Rim, shuningdek, boshqa ko‘plab joylarni taklif qiladi. Bular Panteon, Rim forumi, Ispaniya zinapoyasi, Villa Borgeze va Medici, Trastevere tumani.
Agar Rimni ko‘rishga atigi bir soat vaqtingiz bo‘lsa, o‘ylab-netib o‘tirmay, Navona maydoniga boring. Maydonda yil davomida qiziqarli voqealar sodir bo‘ladi: ko‘cha musiqachilari konsertlar uyushtirishadi, rassomlar portretlar chizishadi, jonli haykallar va masxarabozlar tomoshabinlarni xursand qilishadi. Har bir o‘zini hurmat qiladigan sayyoh Trevi favvorasiga ham borishi kerak. Istakni bajarish uchun favvoraga orqa o‘girib, tangani o‘ng qo‘lga olib, chap yelkadan oshirib tashlash kerak deb hisoblanadi. Bir tangani tashlasangiz – Rimga qaytasiz, ikki tangani tashlasangiz – muhabbatga erishasiz, uch tangani tashlasangiz – to‘y qilasiz.
Agar Rim “eski Italiya” bo‘lsa, Milan uning zamonaviy ramzi hisoblanadi. Asosiy diqqatga sazovor joy – o‘zining gotik hashamati bilan hayratga soladigan ulug‘vor Milan kafedral sobori. San’at ixlosmandlari Leonardo da Vinchining “Sirli oqshom” asari, teatr muxlislari esa afsonaviy La Skala opera teatri yonidan shunchaki o‘tib keta olmaydilar. Milanda Brera kvartalining shinam terassalarida bir finjon xushbo‘ylantirilgan espresso yoki zamonaviy restoranlardan birida nafis taomlardan bahramand bo‘lish vasvasasiga qarshi turish deyarli imkonsiz.
Hozirda Uzbekistan Airways Milanga muntazam qatnovlarni juma kunlari amalga oshiradi, aprel oyidan boshlab esa parvozlar soni haftasiga uch martagacha – dushanba, chorshanba va juma kunlari bajariladi. Rimga mavsumiy aviaqatnovlar 30 martdan yakshanba kunlari amalga oshiriladi.
• Toshkent – Milan: 3 699 000 so‘mdan;
• Toshkent – Milan – Toshkent: 6 718 000 so‘m;
• Toshkent – Rim: 3 565 000 so‘mdan;
• Toshkent – Rim – Toshkent: 6 655 000 so‘mdan.
Aviachiptalarni booking.uzairways.com sayti, Uzbekistan Airways ilovasi, Uzbekistan Airways Sales filiali va aviakompaniya agentlaridan xarid qiling.
Reklama huquqi asosida.
Izoh (0)