40 yoshdan keyin ayol organizmida muhim o‘zgarishlar boshlanadi. Shuning uchun bu davrdan boshlab salomatlikka nisbatan yondashuv ham jiddiyroq bo‘lishi kerak. Kasalliklarni erta aniqlash va ularning oldini olishda quyidagi tibbiy tekshiruvlar ayniqsa muhim hisoblanadi. Tibbiy tahlillar ko‘rsatkichlarini kuzatib borish, kerak bo‘lganda, o‘z vaqtida davolanish va eng muhimi — kasallikni davolashdan ko‘ra, uning oldini olish osonroq ekanini unutmaslik lozim.
O‘rta yoshdagi ayollar albatta quyidagi tekshiruvlarga e’tibor qaratishlari kerak:
Suyuqlik sitologiyasi asosidagi onkositologiya — bachadon bo‘yni saratonini erta aniqlash usuli. Bu usul saratonga aylanishi mumkin bo‘lgan o‘zgarishlarni aniqlab, erta bosqichdayoq davolashni boshlash imkonini beradi.
Mammografiya — ko‘krak bezi saratoniga qarshi kurashda muhim tekshiruv. Shifokorlar 40 yoshdan boshlab har 2 yilda bir marta mammografiya o‘tkazishni tavsiya etishadi.
Kichik tos a’zolarining UTT tekshiruvi — tuxumdonlar va bachadon holatini tekshirish uchun. Bu tekshiruv kistalar, miomalar kabi muammolarni jiddiy bosqichga o‘tishidan oldin aniqlashga yordam beradi.
Temir tanqisligi (gemoglobin, ferritin, zardob temiri) — organizmdagi temir miqdorini kuzatib borish muhim. Temir tanqisligi kamqonlikka olib keladi, bu esa umumiy holat va hayot sifatiga salbiy ta’sir qiladi.
D vitamini — suyak to‘qimasini mustahkamlash va immun tizimni qo‘llab-quvvatlashda muhim rol o‘ynaydi. D vitamini tanqisligi ko‘plab muammolarga sabab bo‘lishi mumkin.
Yana nimalarni tekshirish kerak? Qo‘shimcha muhim tahlillar ro‘yxati:
Umumiy qon tahlili (Eritrotsitlar cho‘kish tezligi va leykotsitar formulasi bilan).
Biokimyoviy qon tahlili, jumladan: yuqori sezgirlikdagi C-reaktiv oqsil, glikirovka qilingan gemoglobin A1c, qondagi glyukoza, lipid profili, albumin, umumiy oqsil, mochevina, kreatinin, peshob kislota, shchelochnaya fosfataza, umumiy bilirubin.
B va C gepatitiga (Anti-HCV) umumiy tahlillar.
Urogenital yo‘llar mikroflorasi tahlili, masalan: Femoflor-8.
Vitaminlar va mikroelementlar miqdori: temir, ferritin, gomotsistein, D vitamini, natriy, kaliy, xlor, kalsiy, magniy.
Endokrin tizim holatini ko‘rsatadigan tahlillar: TTG, T4 erkin, FSG, LG, estradiol, antimyuller gormoni.
Bachadon bo‘yni saratonini tekshirish skriningi: PAP-test (suyuqlik sitologiyasi) va OIV testi.
Umumiy siydik tahlili.
Ikkala ko‘krak bezi uchun mammografiya.
Bo‘yin tomirlarining dupleks tadqiqoti.
EKG (elektrokardiogramma).
Qalqonsimon bez, ko‘krak bezlari, qorin bo‘shlig‘i organlari, bachadonni UTT tekshirish (shu jumladan transvaginal usulda).
Ko‘plab sog‘liq bilan bog‘liq muammolarni erta bosqichda aniqlash mumkin — bu esa organ va to‘qimalarda qaytarilmas o‘zgarishlar sodir bo‘lishidan saqlaydi. Muntazam profilaktik tekshiruvlar — uzoq, faol va baxtli hayot uchun eng samarali usullardan biridir. Shuningdek, sog‘lom turmush tarzini, muvozanatli ovqatlanish va jismoniy faollikni ham unutmaslik lozim.
Izoh (0)