Ijtimoiy tarmoqlarda bir ayol murojaat qilib, ichki ishlar xodimi 86 yoshli onasiga kuch ishlatganini aytdi. Viloyat prokuraturasi holat yuzasidan ma’lumot berdi.
Ma’lum bo‘lishicha, 2024-yil 5-sentyabr kuni Jizzax shahrida yashovchi fuqaro R.Y. qizi va boshqalar ishtirokida qo‘shnisi bilan o‘zaro janjallashib turgan vaqtida Jizzax shahar IIB profilaktika inspektori J.N kelib, ularni qo‘lini qayirib, tan jarohati yetkazgani yuzasidan chora ko‘rishni so‘rab, murojaat qilgan.
Holat yuzasidan Jizzax shahar prokuraturasi tomonidan tergovga qadar tekshiruv harakatlari o‘tkazilib, natijasiga ko‘ra profilaktika inspektorining harakatlarida jinoyat tarkibi aniqlanmagani sababli Jinoyat protsessual kodeksining 83-moddasi 2-bandiga asosan jinoyat ishi qo‘zg‘atish rad etilgan.
Farg‘ona viloyati Uchko‘prik tumanida ota-bolani ichki ishlar xodimlari kaltaklagani haqida xabarlar tarqalgan edi. Qonuniy talabga bo‘ysunmasdan, asossiz ravishda baqir-chaqir qilishib, haqoratli so‘zlar ishlatishib, xodimga tashlanishgan vaqtda, ularning noqonuniy xatti-harakatlari IIO to‘g‘risidagi qonun va me’yoriy buyruq talablari asosida to‘xtatilib, holat bo‘yicha hujjatlar rasmiylashtirilgan.
Izoh (0)